ആത്മാവിൻ സത്യം

 ആത്മാവിൻ സത്യം

ആനന്ദം ഞാനറിയുന്നു,

അറിവായ് നിറയും ആനന്ദം.

നീ എന്നിലുണരുമ്പോൾ,

ആത്മാവിൻ സത്യം നീ അറിയൂ.

നിഴലുകൾ അകലുന്നു മെല്ലെ,

പ്രഭാതത്തിൻ മേഘങ്ങൾ പോലെ.

മൗനം മൊഴിയാതെയുണ്ട്,

സർവ്വവും ഇവിടെ പ്രകാശമാണ്.

കാതുകൾ മൗനം കേൾക്കട്ടെ,

അഗാധമായൊരു താളം.

വാക്കുകളില്ലാത്ത വാഗ്ദാനം,

നീ കാത്തുസൂക്ഷിക്കും നിധി.

എൻ പാതകളിൽ നിൻ കാല്പാടുകൾ,

പകരം വെക്കുമ്പോൾ പ്രണയമേ...

ഞാൻ പറയുന്ന സത്യങ്ങൾ,

നിനക്കെന്നിൽ കണ്ടെത്താം.

എങ്ങും പോകേണ്ട കാര്യമില്ല,

അന്തർലോകവും ബാഹ്യവും ഒന്ന്.

ഉള്ളിലേക്കൊന്നു നോക്കിയാൽ,

രണ്ടും ഒരേ സത്യമെന്നറിയാം.

നിൻ്റെയൊരു ശത്രു നിന്നിൽ മാത്രം,

വാക്കുകളായി പിറക്കും അഗ്നി.

നാവു ശ്രദ്ധിച്ചാൽ മായും ദുഃഖം.

അറിവ് കുറവാണെന്നറിയുക നീ,

കാതു കാണാൻ കണ്ണാടി വേണം,

പിന്നെന്തു നീ അറിയുന്നു?

തേടിപ്പോയതിലില്ല സത്യം,

കടന്നുപോയ വഴികളിലില്ല.

അകത്തെ ലോകത്തിൻ ശാന്തതയിൽ,

അവിടെയുണ്ട് നിൻ്റെ ശാന്തി.

ആനന്ദം ഞാനറിയുന്നു,

അറിവായ് നിറയും ആനന്ദം.

നീ എന്നിലുണരുമ്പോൾ,

ആത്മാവിൻ സത്യം നീ അറിയൂ.

ആനന്ദം ഞാനറിയുന്നു...

ആത്മാവിൻ സത്യം...

ജീ ആർ കവിയൂർ 

03 04 2026

.( കവിയൂർ , തിരുവല്ല)