Saturday, July 9, 2016

അനുഭൂതി

അനുഭൂതി



പകുതിയിൽ മാഞ്ഞുപോയൊരു നീല
കിനാവായി വന്നു ഉറക്കം കെടുത്തി നീ
നിലാവായി  സ്വര വസന്തമായി വന്നകന്നകന്നുവോ
നിഴലുകളില്‍ നീര്‍ക്കണമായി തോരാ മഴകുളിരായ്
വാക്കുകളാല്‍ ഉടുത്തൊരുങ്ങി കരിമഷി പടര്‍ത്തി
കറുത്ത മേഘ വർണ്ണങ്ങൾ ചേർത്തുവച്ചൊരു
കാർക്കൂന്തലിൻ പടർന്നു പുണരുന്നു മന്മദ
മോഹങ്ങളൊക്കെ പുഞ്ചിരിപൊഴിച്ചാടി
മുല്ലപ്പുവിന്‍ നറുഗന്ധത്താല്‍ വരിഞ്ഞു ഇറുകെ
മുറുക്കിയൊരു ലഹരിയായ് പടര്‍ന്നു നിന്നൊരു
അഗ്നിപര്‍വ്വതം പൊട്ടി ലാവയായൊഴുകി തണുത്തിന്നു.
അഴലിന്റെ ആഴങ്ങളില്‍ നിന്നും കൈപിടിച്ചുയര്‍ത്തി .
മൊഴിയില്ലായിടങ്ങളില്‍  മൗനമുടച്ചു മധുരം പകര്‍ന്നു.
വാചാലതയുടെ  നിമ്നോന്നതങ്ങളില്‍ വെന്നികൊടി പാറിച്ചു.
മറക്കാനാവാത്ത അനുഭൂതി പടർത്തിയകന്നു കനവിലെന്നോണം ..!!


No comments: