Thursday, March 1, 2012

ഇത് വെറും ജീവിത വേഷങ്ങള്‍


ഇത് വെറും ജീവിത വേഷങ്ങള്‍ 
വേഷങ്ങള്‍ ആടി തീരുവോളം
വിഷമങ്ങളൊക്കെ മറന്നിടുന്നു 
വെളുക്കുന്നേരമറിയുന്നു  
വച്ചു നീട്ടിയവയാല്‍ വയറല്ല     
വിതുമ്പും കണ്ണല്ലോ നിറഞ്ഞത്‌ 
വല്ലവിധേന ചുട്ടിയും താടിയും 
വലിച്ചെറിഞ്ഞു കലാകരനെന്നു 
വിളിക്കപ്പെടാതെ വലിഞ്ഞു നടന്നു 
വിളിപ്പാടകലത്തിലല്ലാത്തൊരു 
വിളയിടത്തില്‍ കൂലിപണിക്കാരനായി 
വെയിലേറ്റു വിയര്‍ത്തു നിന്നു
വലിക്കുന്നു ജീവിത ഭാരമത്രയും ...
വലിയ ആട്ട വിളക്ക് തെളിയും നേരം   
വന്നു ചേരുന്നു വീണ്ടും വേഷഭാവ പകര്‍ച്ച

5 comments:

ഞാന്‍ പുണ്യവാളന്‍ said...

ഒരു യഥാര്‍ത്ഥ കലാകാരന്റെ ജീവിതം ഇങ്ങനെ ആണ് , വര്‍ഷങ്ങളുടെ തപസില്‍ സ്വായത മാക്കിയ നടന ചാതുര്യം രംഗതവതരിപ്പിച്ചു തൃപ്തനാകുമ്പോ വീട്ടില്‍ അഷ്ടിപശ്നിയാണെന്നും സ്വന്തം , എന്നാല്‍ ഇന്നലെ വന്ന വെറും കോമാളി താരങ്ങള്‍ കലയോടോ ജനതോടോ ഉത്തരവാദിത്വം കാട്ടാതെ സുവര്‍ണ്ണ സിംഹാസനങ്ങള്‍ പണിയുമ്പോ ഒറ്റപ്പെട്ടു പോകുന്നതീ ഉന്നത കലാകാരന്മാരണെന്നും ആശംസകള്‍ ജി

റിനി ശബരി said...

ജീവിക്കനറിയാതെ വേഷപകര്‍ച്ചകലില്‍
ആഴ്ന്ന് പൊകുന്നവര്‍ ..
ഒരിറ്റ് അന്നത്തിന് വേണ്ടീ
കൂലിപണിയില്‍ അഭയം കാണുന്നവര്‍
വേഷങ്ങളുടെ , ചുട്ടികളുടെ നടുവില്‍
ചമയ വിളക്കിന്റെ തെളിമയില്‍
ആരും മറന്നു പോകുന്നു
അവന്റെ ഉള്‍തുടുപ്പുകള്‍ .. അതവനു മാത്രം
സ്വന്തമല്ലൊ .. ആശംസകള്‍ സഖേ ..

ajith said...

ഡബിള്‍ റോള്‍

DEJA VU said...

കഷ്ടപാടിനിടയിലും കലയെ മറക്കാതവരുടെ ഒരു നല്ല ചിത്രം അഭിനന്ദനങ്ങള്‍...

Sandeep.A.K said...

ഈ ജീവിതം തന്നെയല്ലോ വലിയ അട്ടക്കളരി...
നല്ല ചിന്ത പങ്കു വെച്ചു.....