ഇനിയാത്ര എന്നറിയാതെ ..!!

വേലിയിറക്കുകളുടെ ആരവത്തെ
കാത്തു കിടപ്പ് തുടങ്ങിയിട്ട്
ഏറെ നാളായി

മണല്‍ തരികള്‍ കളിപറഞ്ഞു
വഴിയെ പോയകാറ്റിനും
വന്നുപോകും മഴ നിലാവിനും


എന്നെ കണ്ടു എന്റെ
മറവില്‍ പരസ്പരം
മറന്ന കമിതാക്കളും

ആര്‍ക്കുമെന്നെ വേണ്ടാതായ്
നങ്കുരം ഇട്ടവര്‍ ശാപവാക്കുകള്‍
ഉതിര്‍ത്തു പോയി എന്തെ

കാലപഴക്കത്തിന്‍ വേദനകള്‍
ഗ്രസിച്ച ജരാനരകളാല്‍
എന്നില്‍ നിറഞ്ഞ ദുഃഖം ..

വെയിലേറ്റു പുളയുന്നു
രാമഞ്ഞും മഴയും
ഇനിയാത്ര എന്നറിയാതെ ..!!

ജീ ആര്‍ കവിയൂര്‍ /29.09.2017
photo by Arun Ashok