Friday, September 29, 2017

കുറും കവിതകള്‍ 729

തോര്‍ന്ന മഴയുടെ
നനഞ്ഞ തൂവല്‍ ഉണക്കി
അവനായി കാത്തിരുന്നു ..!!

നീതന്ന ദുഃഖം പോരഞ്ഞിട്ട്
കുടിച്ചുതീര്‍ക്കട്ടെ ഒഴിയാ
അനുഭൂതി പകരും ലഹരി ..!!

മനസ്സിന്റെ ഉള്ളിലെ
ദുഃഖ കറതീര്‍ക്കട്ടെ
കടുപ്പത്തിലൊരു ചായ ..!!

ഓര്‍മ്മകള്‍ വളര്‍ന്നു
എന്തൊരു ലാഘവം
പാറിപറന്നൊരു അപ്പൂപ്പന്‍ താടി ..!!

പാമ്പാടും ചോലകളില്‍
വസന്തത്തിന്‍ തെന്നലേറ്റ്
മനസ്സു എവിടയോ കൈവിട്ടു ..!!

ദുഖങ്ങളെ അടിച്ചും
പിരിച്ചും തീര്‍ന്നിട്ടും
ജീവിതമെന്ന പ്രഹേളിക ..!!

ഒഴിഞ്ഞ കുപ്പി
മൗനം പൂണ്ട ലഹരില്‍
തിരമാലകളും കാറ്റും  ..!!

ഒരു കൊമ്പിലെങ്കിലും
രണ്ടു ധ്രുവങ്ങളില്‍
പ്രണയം ശോകം ..!!

നുകര്‍ന്നിട്ടും തീരാത്ത
പ്രപഞ്ചത്തിന്‍ പ്രഹേളിക
നോമ്പരമധുരം ..!!

വിരഹം നിറഞ്ഞഭാവം
മനസ്സൊരു മാന്‍പേട
വസന്തകാറ്റിനു ഉഷ്ണം ..!!

No comments: