Saturday, March 16, 2013

കുറും കവിതകള്‍ 67


കുറും കവിതകള്‍ 67

കടമെന്നും
കടമയെന്നുമെണ്ണി  
കഴിക്കുന്നു  ജീവിതത്തെ          

ആലസ്യം ഒഴിയാത്തവനു
നേരെ വളയിട്ട കൈകളാൽ
ഒരു കപ്പ് ചൂട് കാപ്പി


ചരിച്ചിട്ട കട്ടിൽ
കണ്ണുനീർ ഒഴിഞ്ഞ
കോലായിൽ

മിന്നാമിന്നിയുടെ
നുറുങ്ങു വെട്ടത്തിൽ
ആദ്യ രാത്രി

അടഞ്ഞ  പുസ്തകത്തിലെ
വരികളെ   സ്വതന്ത്രമാക്കാൻ
സമയവും മനസ്സും അനുവദിക്കുന്നില്ല

തുമ്പതൻ  ചിരിയിൽ
തുള്ളി ചാടിയ
ഓണമിന്നു വിസ്മൃതിയിൽ

കൈനീട്ടമെന്നും _
വിഷുക്കാലം വീണ്ടും
പഴയൊരുടുപ്പില്‍  

വിശപ്പിനു
ഓണമെന്നോ
വിഷുയെന്നോയുണ്ടോ  

ദേശാടനത്തിൽ പറക്കലിൽ
അൽപ്പമൊരു വിശ്രമം
ക്യാമറക്കണ്ണുകളതു കവർന്നെടുത്തു


ഉണ്ണുവാനും ഉടുക്കുവാനും കൊടുക്കുന്നവൻ അമ്മാവൻ  
അല്ലാത്തവാൻ   കുമ്മാവൻ
പണമുള്ളവന്റെ നിണത്തിനെ വിലയുള്ളൂ
 
വാലുമുറിഞ്ഞതു കൊണ്ടല്ലേ
കണ്ണാടിക്കു മുന്നിൽ നിൽക്കാനായത്
വാൽ അല്ലാത്തതൊക്കെ അളയിലായി  

ഖത്തറിൽ പോയവനു
അത്തറിൻ മണത്തിനു പകരം
ഗട്ടറിൻ മണത്താൽ തൃപ്തിയടഞ്ഞു

4 comments:

സൗഗന്ധികം said...

വിശപ്പിനു
ഓണമെന്നോ
വിഷുവെന്നോ ഉണ്ടോ..

നല്ല കവിത

ശുഭാശംസകൾ....

ajith said...

നന്നായി

Cv Thankappan said...

നന്നായിരിക്കുന്നു
ആശംസകള്‍

ജോസെലെറ്റ്‌ എം ജോസഫ്‌ said...

സമാന അര്‍ത്ഥം വാരാത്ത ഖണ്നികകള്‍ക്ക് താഴെ **** എട്ട് എഴുതിയാല്‍ വായന കൂടുതല്‍ സുഖമാകും.