Thursday, May 10, 2018

പ്രവാസത്തിലെ കൂട്ടുകാരിക്ക്

പ്രവാസത്തിലെ കൂട്ടുകാരിക്ക്

നിഴലുകളുടെ പിന്നാലെ
പതുങ്ങും സുന്ദരി സുഖംതന്നെയോ
ഊടും പാവും നെയ്യും ജീവിത ലഹരിയില്‍
നീ വസന്തങ്ങളെ മറക്കുന്നുവോ
അവയുടെ പാട്ടുകള്‍ പാടും
കിളികളെ കണ്ടില്ലാന്നു വരുമോ
മാനത്തേക്ക് പറന്നകലും
വനശലഭങ്ങള്‍ കണ്ടില്ലാ എന്നുണ്ടോ
നിന്നിലെ കാമുകി അമ്മയായി
അമ്മുമ്മയായി മാറുമ്പോള്‍
പഴയ രമണനെ മറന്നുവോ
മണലാരണ്യത്തില്‍ വിരിയും
മുള്‍പൂക്കള്‍ നിന്നെ കുത്തി നോവിക്കാറില്ലേ
നിന്നില്‍പൂത്തുലയും പുലരിയും
സന്ധ്യയും നിന്നെ വേട്ടയാടാറില്ലേ
ഓര്‍മ്മകള്‍ നിറക്കും പാടവും പറമ്പും
ഓടികളിച്ചപ്പോള്‍ വീണു മുട്ട് പൊട്ടി
വിരിഞ്ഞ ചെമ്പരത്തി പൂ നിറത്തെ
പച്ചില നീര് പുരട്ടിയ കളിത്തോഴനെ
ചാമ്പക്കാ പൊട്ടിച്ചു തന്നു കണ്ണു നീര്‍ ഒപ്പിയ
സ്നേഹത്തിന്‍ നിറകുടമാം ഏട്ടനെ മറന്നുവോ
ചുട്ടു പൊള്ളും മണല്‍ കാറ്റില്‍ ഓര്‍മ്മ കുളിര്‍
വീണ്ടും തിരികെ മലനാട്ടിലേക്ക് വരുവാന്‍ തോന്നുന്നില്ലേ ..!!

No comments: