Saturday, May 26, 2012

ചൈതന്യം


ചൈതന്യം 


കണ്ടിതു ഞാനു
മീ    കണ്ടതടിക്കുമി   കൈവല്യം 
കാരണം തേടുമി കാരണംകോട്ടുളൊരു വൈകല്യം  
കാരണമാരാഞ്ഞിട്ടറിയാതിങ്ങനെ  കരളു തുടിക്കുമൊരു നൈരാശ്യം 
കാത്തു കാത്തുകിട്ടിയൊരു സന്തോഷത്തിന്‍ മുളപൊന്തിയ വൈകാര്യം 

മാനമിതെന്തെന്നറിയാതെ മാലോകരറിയാതെ  മറച്ചു വച്ചോരീ വൈഷമ്യം 
മണ്ണും മലയുമാകാശവും കടലും കടന്നങ്ങയലഞ്ഞു വൈക്ലബ്യം 
മതിയിതു മനസ്സിന്റെ ഭ്രമെന്നറിഞ്ഞു  തേടിയലഞ്ഞിത് ഭൈഷജ്യം 
മരണമിത് നിഴലായി  കൂട്ടിനുണ്ടന്നറിയാ  ജീവിതമെത്ര നൈമിഷ്യം   

അറിഞ്ഞു മുന്നേറാമിനിയും  നിരാശ  നല്‍കാതെയകറ്റാമീ   വൈജാത്യം   
ആടിയുലയുമീ  ജീവിതനൗകതേടിയലഞ്ഞു    ചാഞ്ചല്യം 
അറിഞ്ഞു ഈ വിധം എങ്കിലും കണ്ടു മനസ്സില്‍ വന്നൊരു നൈപുണ്യം 
അണയാതെ കാക്കാമിനിയുമീ ശോഭയേറി  ഈ ഉള്ളില്‍ ഉദിച്ച  ചൈതന്യം 
               

12 comments:

Dixon PV said...

അക്ഷരങ്ങള്‍ക്ക് അടുക്കും ചിട്ടയും... നന്നായിട്ടുണ്ട്...

Asha Sreekumar said...

അതെ വൈകല്യങ്ങളിലും തളരാതെ മുന്നേറുംപോഴാണ് നമ്മിലെ പുണ്യം ശോഭിതമാകുന്നത് ... നിരാശ ഒന്നിനും പരിഹാരമല്ല ഉള്ള ഉര്ജം വീണ്ടെടുത്തു മുന്നേറുമ്പോള്‍ ഈശ്വരന്‍ നമ്മുടെ കൂടെ വരും ... ഇതെന്റെ വിശ്വാസം

ജീ . ആര്‍ . കവിയൂര്‍ said...

സത്യമാണ് നിരാശ കൈവിട്ടു ആശയുടെ പാതയിലുടെ വിജയ ശ്രീ ലാളിതനായി മുന്നേറുമ്പോള്‍ ഈശ്വരനും കൂടെ ഉണ്ടാവും ഇപ്പോഴും നിഴലായി
, dixon സത്യം ദൈവ വഴി തെളിയുമ്പോള്‍ അടുക്കും ചിട്ടയും ഉണ്ടാവും

Anonymous said...

നല്ല ഒതുക്കം...അത്മീയ ചേതനയും കൂടപ്പിറപ്പായ വരികള്‍...ഇഷ്ടമായി

Akhi M Balakrishnan said...

എന്നും ചൈതന്യം കാത്തുസൂക്ഷിക്കപ്പെട്ടട്ടെ ..നന്നായിട്ടുണ്ട് അങ്കിള്‍.. ഇനീം വരും..ഇപ്പൊ പോവാ..

sumesh vasu said...

നല്ല വരികൾ... പക്ഷേ ചില വാക്കുകൾ - 'ഭൈഷജ്യം' ഒക്കെ മനസ്സിലായില്ല

ajith said...

പറഞ്ഞുത്രികയും കൂടി വേണം അര്‍ത്ഥം...അല്ലെങ്കില്‍ മിഴുങ്ങസ്യ

ഷാജു അത്താണിക്കല്‍ said...

വരികൾ ഇഷ്ടായി

c.v.thankappan said...

അര്‍ത്ഥം നിറഞ്ഞ വരികള്‍.
ആശംസകളോടെ

ജീ . ആര്‍ . കവിയൂര്‍ said...

ചികിത്സ എന്നാണ് അര്‍ഥം
അഭിപ്രായം രേഖപെടുത്തിയ എല്ലാവര്‍ക്കും നന്ദി

കല്യാണിക്കുട്ടി said...

റിഞ്ഞു മുന്നേറാമിനിയും നിരാശ നല്‍കാതെയകറ്റാമീ വൈജാത്യം
ആടിയുലയുമീ ജീവിതനൗകതേടിയലഞ്ഞു ചാഞ്ചല്യം
അറിഞ്ഞു ഈ വിധം എങ്കിലും കണ്ടു മനസ്സില്‍ വന്നൊരു നൈപുണ്യം
അണയാതെ കാക്കാമിനിയുമീ ശോഭയേറി ഈ ഉള്ളില്‍ ഉദിച്ച ചൈതന്യം



good..............

thonnyaaksharangal said...

ഒറ്റ വാക്കില്‍ പറയട്ടെ - ഹൃദ്യം. SIVASANKARAN