വഴിയോരങ്ങളിലുടെ
വഴിയോരങ്ങളിലുടെ
പുലിരിയോടോപ്പം പാതയില്‍
കൈ നീട്ടി യാജിക്കുന്നവന്‍
ചില്ലറകള്‍ കിട്ടാതായപ്പോള്‍
മൗനമായി വിധിയെ പഴിക്കുന്നു ,ഒപ്പം
വഴിയാത്രക്കാരേയും ,അവന്റെ ആത്മഗതം
ഉച്ചത്തിലായാല്‍ എന്തെന്ന് ഓര്‍ത്ത്‌
മുന്നോട്ടുപോയി എന്റെ ചിന്തകളുമായി
ജീവിതത്തിന്റെ പിറകെ കൈ നീട്ടി കൊണ്ട്
************************************************
പാലും തേനും പരിപ്പും പഞ്ചസാരയും
നിരത്തിലുടെ വണ്ടിയേറി പോകുന്നു
പണമുള്ളവരെ തേടി
പണത്തിനായി പണിയെടുക്കുന്ന നഗരമേ
***********************************************
ചിന്തി കടയിലെ
ചില്ലിട്ട അലമാരിക്കുള്ളിലിരുന്നു
വീര്‍പ്പുമുട്ടുന്നു കുപ്പിവളകള്‍
*********************************
ഇരുട്ടിലേക്ക് മുഖം തിരിച്ചു
റോഡിന്റെ ഓരം ചേര്‍ന്ന്
തളര്‍ന്നു കിടന്നു റോഡു റോളര്‍
***************************************
പാതയോരത്ത് നീണ്ട കാത്തിരിപ്പുകള്‍
ആയാസം കുറക്കാന്‍ സല്ലാപങ്ങള്‍ക്കിടയില്‍
കൂടണയാനുള്ള വിങ്ങലുകള്‍
Comments
നന്നായിരിക്കുന്നു.
ആശംസകളോടെ