പൊട്ട് അഥവാ തിലകക്കുറി ( കവിത)

നെറ്റിത്തടത്തിലെ പുരികങ്ങൾക്കിടയിൽ

നിശ്ശബ്ദമായി തെളിയുന്നൊരു ബിന്ദു,

ആജ്ഞാ ചക്രത്തിന് കുളിരേകുന്ന

ധ്യാനത്തിന്റെ മൃദുസ്പർശം.

പൊട്ട് എന്ന പേരിലല്ല അതിന്റെ ഭംഗി,

കാലങ്ങൾ കാത്തുവച്ച സംസ്കാരം,

ഒരു നോട്ടത്തിൽ തന്നെ പറഞ്ഞുപോകുന്ന

അഭിമാനത്തിന്റെ അർത്ഥം.

ചുവപ്പോ കറുപ്പോ അല്ല വിഷയമാകുന്നത്,

അകത്തുള്ള അഗ്നിയും ശാന്തിയും,

മൗനത്തിൽ പോലും ശക്തിയായി നിൽക്കുന്ന

അടയാളമാണ് ആ ബിന്ദു.

വാക്കുകൾക്ക് മുൻപേ സംസാരിക്കുന്ന

ഒരു ചെറു പ്രകാശം പോലെ,

അലങ്കാരത്തിനപ്പുറം

കുലീനത അവിടെ വിരിയുന്നു.

നെറ്റിയിൽ തെളിയുന്ന ആ ചിഹ്നത്തിൽ

ചരിത്രവും വിശ്വാസവും ലയിച്ച്,

സംസ്കാരത്തിന്റെ ശോഭയിൽ

സ്ത്രീ കുലീനമായി നിൽക്കുന്നു.

ജീ ആർ കവിയൂർ

22 01 2026

( കാനഡ, ടൊറൻ്റോ)

ആത്മാവിഷ്കാരങ്ങള്‍