Thursday, June 30, 2016

വെറുതെ ഓരോ ചിന്തകള്‍ ..!!

വെറുതെ ഓരോ  ചിന്തകള്‍ ..!!



രാവിലെ ഒരു ഇക്കിള്‍
എന്തെ ഇനിയുമീ
അമ്പത്തി രണ്ടാം വയസ്സിലും
വളര്‍ച്ചയോ തളര്‍ച്ചയോ?!!
ഓരോ ന്നായി കൊഴിച്ചിലുകള്‍
ഒരു പൊക്കിലുണ്ടായിരുന്നത്
അറുത്തുമാറ്റി നാലുവഷര്‍ഷമായി
പിന്നെയിതാ ആന്ത്രവീക്കം എടുത്തുമാറ്റി
ബഹിരാകാശത്തിലേക്ക് പോകും ഉപഗ്രഹം
വാഹിനി പോലെ ഓരോന്നും പൊഴിഞ്ഞു പോകുന്നു

അല്ല ദിവസങ്ങള്‍ കുറഞ്ഞു വാരുകയാണല്ലോ
ഈ ഗ്രഹത്തിലെ യാത്രയുടെ ,എന്തായാലും
കരുതിയൊരുങ്ങി ഇരിക്കാന്‍ ദിവസവും വിഴുങ്ങാന്‍
ഗുളികകള്‍ ഏറെയായി ഉണ്ടല്ലോ പിന്നെ
 ഉത്തരവാദിത്തത്തിന്‍ ഭാരം കൂടികൊണ്ടിരിക്കുന്നു
രണ്ടു പാണീഗ്രഹണം നടത്തി കൊടുകേണ്ടിയ
ചുമതല പിന്നെ സ്വന്തം ഭാരം ചുമലിലേറ്റി
 ചാരമാക്കാന്‍ വരാതിരിക്കില്ല നാല്
ചുമലുകള്‍ എന്ന് ആശ്വസിക്കുന്നു


ഇതൊന്നും എന്റെ മാത്രമുള്ള പ്രശ്നങ്ങളല്ലല്ലോ
ഇതിലും പ്രശ്നങ്ങള്‍ ഏറെ ഉള്ളവര്‍ ഈ ലോകത്ത്
ഉണ്ടല്ലോ എന്നാശ്വസിച്ചു അകലെ ചക്രവാളത്തിലേക്ക്
മിഴിയും നട്ടു ഒരു ദീര്‍ഘ നിശ്വാസവുമായി
ചാരി കിടന്നു എന്‍ ചിന്തകള്‍ ...

അടുത്ത എവിടെ നിന്നോ രാജ് കപൂറിന്‍
മേരാനാം ജോക്കറിലേ സിനിമാ
മുകേഷിന്റെ സ്വരത്തില്‍  കേള്‍ക്കുന്നുണ്ടായിരുന്നു
''ജീ നാ യഹാ മര്‍ന്നായഹാ ....''!!

No comments: