Sunday, June 12, 2016

കുറും കവിതകള്‍ 641


കുറും കവിതകള്‍ 641

പ്രകടിപ്പിക്കാനാവാത്ത സ്നേഹം
ഉള്ളിലുള്ളോരച്ഛന്‍ .
ആരെങ്കിലുമറിയുന്നുവോ ആ മനസ്സ് ..!!

അക്കരക്കിക്കരെ
കണ്ണുകളാലൊരു പാലം .
പ്രണയത്തിന്റെ ദൂരമേ  ..!!

ആശിച്ചതോക്കെയുമായി
വരുന്നുണ്ടങ്ങാകാശത്തുന്നിന്നും .
സ്നേഹ കുളിരുമായി മുകിലുകള്‍ ..!!

ചുണ്ടും ചുണ്ടും ചേര്‍ന്നു
മധുരം നുകര്‍ന്ന് പറന്നകന്നു .
ശലഭ ചിറകുകള്‍ക്ക് ലഹരി ..!!

ആരയോ കാത്തിരുന്നു
അവളുടെ പ്രണയം .
അഷ്ട്ടമുടികായൽ ..!!

നാളെയെന്നൊരു
പ്രതീക്ഷയുടെ
നറു  വെളിച്ചം ..!!

വാടാ മല്ലി വിരിഞ്ഞു
നിന്‍ മിഴിമുനയിലായി .
വസന്ത സന്ധ്യ ..!!

സുമനസ്സിന്‍ താഴ് വാരങ്ങളില്‍
ഒരു കുളിര്‍ക്കാറ്റ്
സ്വപ്നായനങ്ങള്‍

നുകര്‍ന്നു മുകര്‍ന്നു
തേന്‍ കണമിനിയും
ചവുട്ടി മെതിക്കാനുണ്ടോ വണ്ടുകള്‍ ..!!

മതിലുകള്‍ക്കപ്പുറം
എത്തി നോക്കുന്ന മനസ്സ്.
പ്രണയമെന്തേ മുഖം തിരിച്ചത്..!!

No comments: