Friday, June 3, 2016

കുറും കവിതകള്‍ 634

കുറും കവിതകള്‍ 634

നിലാകുളിരില്‍
നനഞ്ഞ നിഴല്‍
തേടുന്നു പ്രണയം ..!!

പൂവിളിയുമായി നടന്ന
പൊന്നോണക്കാലം .
ഓര്‍മ്മയില്‍ അത്തപൂക്കളം ..!!

കറിയില്‍ ചേരാതെ
വെയില്‍ കാഞ്ഞു ചുവന്നു
അടുക്കളയുടെ പിന്നാം പുറത്തു ..!!

ആകാശ മാവില്‍ നിന്നും
അടര്‍ന്നു വീണൊരു
മാമ്പഴം കടലില്‍ ..!!


നിത്യമേറുന്ന വിലയുടെ
ചുടില്‍ അമ്മമനം
പൊള്ളുന്നുണ്ട് ..!!


ഏറ്റു ചൊല്ലലുകളുടെ
നാലുമതില്‍ വെളിയില്‍
നിലാവിന്‍  എത്തിനോട്ടം ..!!

തോട്ടിയും വടിയും കരക്ക്‌
കുളിയുടെ ലഹരിയിലാന.
കാണികള്‍ കണ്ടു രസിച്ചു ..!!

ഇണയുടെ മുന്നില്‍
നിലനിപ്പിനായുള്ള
പ്രകൃതിയുടെ പോരാട്ടം ..!!


പന്തം കൊളുത്തി
പാട്ടിന്‍ താളം മുറുകി
കാവു ഭക്തി ലഹരിയില്‍  ..!!

നഗ്നമാം  തെരുവില്‍
വായ്ത്തല തിളക്കങ്ങള്‍
വിശപ്പ്‌ തേങ്ങി ..!!


No comments: