Wednesday, June 8, 2016

കുറും കവിതകള്‍ 639

കുറും കവിതകള്‍ 639



ചുട്ടെരിച്ചു കളഞ്ഞിട്ടു
ഇപ്പോള്‍ കവലകളില്‍
പരാതി പെട്ടികള്‍ വച്ചു പരുതുന്നു ..

വാളയാറിന്‍ സന്ധ്യയില്‍
അരിയും പോരിയുമായി
വണ്ടി അനുമതി കത്ത് കിടന്നു ..!!

അമ്മച്ചുണ്ടിന്‍
വരവുകാത്തു
വാപിളര്‍ന്നു വിശപ്പ്‌ ..!!

നാഗലിംഗ പൂക്കള്‍ വിരിഞ്ഞു
വഴികണ്ണുകള്‍  കണ്ടുനിന്നു
വെയിലിനു ചൂടേറി ..!!

പുലര്‍കാലവെട്ടം
റാന്തല്‍ കണ്‍ചിമ്മിയടച്ചു
മിന്നാമിനുങ്ങു മിന്നുന്നുണ്ടായിരുന്നു  ..!!

ഒറ്റയടിപ്പാതകള്‍ 
അവസാനിക്കുന്നിടത്ത്
തുറക്കപ്പെടുന്നൊരു ഔദാര്യം ..!!

മധുരം കാട്ടി എന്നെ
നിങ്ങള്‍ ഇരുത്തിയില്ലേ
ഒന്നാം ക്ലാസ്സിലെ ബഞ്ചില്‍ ..!!

ആഴ്ച ഒന്നായിട്ടും
പീപ്പിയും ബലൂണും കിട്ടിയിട്ടും
 ഒന്നാം ക്ലാസ്സില്‍ കരച്ചില്‍   ..!!

വേദന ഉണ്ടോ അറിയുന്നു
അമര്‍ന്നിരുന്നു പോകുന്നവര്‍.
പ്ലാസ്റ്റിക്‌ കസേര ..!!

പ്രഭാതത്തിന്‍ മുറ്റത്തു
വര്‍ത്തമാനങ്ങളുടെ
മാനം തേടുന്ന അച്ഛന്‍ ..!!

No comments: