Thursday, June 2, 2016

കുറും കവിതകള്‍ 633

കുറും കവിതകള്‍ 633

കരഞ്ഞു തീര്‍ക്കുന്ന
ഒന്നാം ക്ലാസ്സുകാരന്റെ
പ്രതിഷേധം രണ്ടാം ദിവസവും  ..!!

പത്തിന്‍ കടമ്പ കടക്കാന്‍
ആലിന്‍ ചുവട്ടിലെ പ്രാര്‍ത്ഥന.
കൗമാര്യത്തിന്‍ ഓര്‍മ്മ ..!!

''എനിച്ചും സ്ചൂളില്‍ പോണം ''
ചേച്ചിയുടെ ഒരുക്കങ്ങള്‍ കണ്ടു
വഴക്കുകുടുന്നു അനുജനും ..!!


പാതിരാവിലും
ഉറങ്ങാതെ കാത്തിരുന്ന
ജാലക വെട്ടം  ..!!

അയ്യപ്പന്‍റെ അമ്മ
നെയ്യപ്പം ചുട്ടു
ആന്‍ഡ്രോയിട് ചേട്ടന്‍ തട്ടിയെടുത്തു.!!

കിഴക്ക് നക്ഷത്രം
ഉദിക്കും കാത്തു ..
അരിവാളും ചുറ്റികയും ..!!

കരഞ്ഞും കരയിച്ചും
ചിരിച്ചും കടന്നു പോയി
പ്രവേശനോത്സവം ..!!

നെഞ്ചോടടുക്കിപ്പിടിച്ചു
ഓര്‍മ്മകളുടെ പിന്നാമ്പുറത്തു
അമ്പല്‍ പൂവിന്‍  നുണക്കുഴി ..!!

വഴിക്കണ്ണുമായി അവള്‍ 
വായിച്ചു കൊണ്ടിരുന്നു .
ബഷീറിനെ ..!!

ജാലകത്തിനപ്പുറം
കരഞ്ഞു തീര്‍ക്കുന്ന
മഴയോടൊപ്പമവളും ..!!

No comments: