Friday, February 21, 2014

കല്‍പ്പനകള്‍

കല്‍പ്പനകള്‍

പറഞ്ഞത് അതുപോലെ ശിരസാവഹിച്ചു
അമ്മപറഞ്ഞതെന്നറിഞ്ഞു അച്ഛന്റെ
ഇച്ഛകള്‍ക്കനുസരിച്ച് ഏറെ കഥകള്‍

ജമദാഗ്നിവാക്ക്യാനുസരണം രേണുകാ രണം
മാരണ പരശുവായിയേറെ രക്തപുഷ്പങ്ങള്‍
വീണില്ലേ മലയാളം പിറന്ന മണ്ണിന്‍ ശാപമിന്നും
തുടരുന്നു ദുഖകരമാമിയാത്രകള്‍ കഠിനം

പതിനാലുസംവത്സരങ്ങള്‍ കാടും കുന്നും
കടലും മലകളും  മോക്ഷതീരങ്ങള്‍ താണ്ടി
സീതത്തില്‍ നിന്നും സര്‍വ്വം സഹയില്‍ മടങ്ങി
ജനാവപാദങ്ങളുടെ അശ്വവമേധങ്ങള്‍ക്കൊടുക്കം
സരയുവിലോടങ്ങിയ രാമ മാനസം കഷ്ടം

അച്ഛനെ പോലെ അമ്മപറഞ്ഞതും കേട്ടു
പാഞ്ചാലിയെ വരിച്ചവരുടെ കഷ്ട നഷ്ടങ്ങളാല്‍
ചൂതിനോടുവിലെ ദൂതിന്‍ ഒടുക്കം നടുക്കമേറ്റി
കുരുക്ഷേത്രപടനിലങ്ങളില്‍ കര്‍മ്മ -
ബാന്ധാവങ്ങളുടെയോടുക്കം നേടിയത്
സ്വര്‍ഗ്ഗസര്‍ഗ്ഗങ്ങളോ വ്യാസ വ്യസനങ്ങളോ

ഇതുപോലെയേറെ ഇതിഹാസങ്ങളിപ്പോഴും
തുടരുന്നുവല്ലോ നൊമ്പരങ്ങളിന്നുമനുഭവിക്കുന്നു
ജീവിത നിമ്നോന്നതമാര്‍ന്ന വഴിത്താരകളില്‍

No comments: