Thursday, February 20, 2014

ക്രൂര വിനോദികളെ അടങ്ങു

ക്രൂര വിനോദികളെ അടങ്ങു

അധര വ്യാപാര പരിഷകള്‍ക്കുയിന്നു
സ്മാര്‍ത്ത വിചാരം വചനഘോഷം
കാളപെറ്റന്നു കേട്ടയുടനെ കയറെടുക്കുന്നു
അഞ്ചപ്പം കൊണ്ട് അയ്യാരയിരങ്ങളെ പോഷിപ്പിക്കയും
ജലസ്തംഭം നടത്തിയും വേദനകളെ വാരിപ്പുണരുകയും  
ചുബന ലഹരിയാൽ കമ്പന ചിത്തരാക്കിയതിൻ കൂലിയായി
അവസാന അത്താഴത്തിനു ശേഷമിതാ സമയമായിരിക്കുന്നു
വെള്ളി കാശുകളുടെ  തിളക്കത്തിൽ മയങ്ങിയിതാ
ക്രൂശിലേറ്റാന്‍ സനാതന ചിന്തകളെ ഒരുപറ്റം
പുലി തോലണിഞ്ഞ ചെന്നായിക്കള്‍ വട്ടമിടുന്നു
പണമെന്ന പിണത്തെ വാരിയെറിഞ്ഞു കളിക്കുന്നു
കഷ്ടമതിനു നഷ്ടമേറെ അറിയാതെ ചുടല നിര്‍ത്തമാടുന്നു
രുധിരപാനം ചെയ്യുമി ആഘോരികളെ അടങ്ങു
നിങ്ങള്‍ക്കും ഉണ്ട് പാപം കഴുകി കളയാന്‍ ഇനി
വേശ്യാനദികളില്‍ ജീവത്യാഗം നടത്തേണ്ടിവരും
ഓര്‍ക്കുക കണ്ണടച്ചു ഇരുട്ടാക്കാതെ ,ഉറക്കം കടുത്താതെ
മാനവ സേവ മാധവ സേവകള്‍ അറിയുക
മോക്ഷം അകലെയല്ല മോചനം അകലെയല്ല

No comments: