Wednesday, October 23, 2013

നീയെന്‍ വര്‍ണ്ണം

നീയെന്‍ വര്‍ണ്ണം

നീ ഓരോ നിമിഷത്തിന്‍ നീര്‍ക്കണമോ
നിഴലായി പടരും നൈര്‍മല്യമോ
നാളുകളായി മിടിക്കും ഹൃദയവിപഞ്ചികയോ
നിത്യവുമെന്‍ കനവില്‍ നിറയും കനിവോ
നിറക്കും മനസ്സില്‍ നീലനിലാവിന്‍ മായാ ജാലമോ
നീയില്ലായിരുന്നുവെങ്കില്‍ ഞാനും  ഉണ്ടാകുമായിരുന്നോ
നിശബ്ദതകളില്‍ നിറയും ഓര്‍മ്മ കുളിരലയോ
നീലാകാശത്തില്‍ തെളിയും ഭാഗ്യ നക്ഷത്രമോ
നയനാരാമത്തില്‍ നൃത്തമാടും മയില്‍ പേടയോ
നവരസങ്ങളാല്‍ എന്നില്‍ പടരും ജീവിത പ്രേരണയോ
നിന്‍ നിഴലായി പിന്‍ തുടരുമ്പോള്‍ അറിയാതെ
നിര്‍മിഴി നിറയുന്നു സന്തോഷമോ സന്താപമോ അറിയില്ല
നീയാണ് നീയാണ് എന്നില്‍ നിറം പകരുമെന്‍ വിരല്‍ തുമ്പിലെ കവിതേ

5 comments:

Gireesh KS said...

നിര്‍മിഴി നിറയുന്നു സന്തോഷമോ സന്താപമോ അറിയില്ല
നീയാണ് നീയാണ് എന്നില്‍ നിറം പകരുമെന്‍ വിരല്‍ തുമ്പിലെ കവിതേ

എല്ലാ വരികളും ഇഷ്ടമായി.
ആശംസകൾ !

കീയക്കുട്ടി said...

"നീയില്ലായെങ്കിലിനി ഞാനും ഉണ്ടാകുമായിരുന്നോ..."ഈ വരിയിൽ ഒരു കല്ല്‌ കടി.. താള വ്യതിയാനം.ഒരു പക്ഷെ എന്റെ മാത്രം തോന്നല ആവാം !
അവസാന വരികൾ ഏറെ ഇഷ്ടം !

ajith said...

നീയേ വര്‍ണ്ണം

സൗഗന്ധികം said...

നീയെൻ സർഗ്ഗസൗന്ദര്യമേ..

നല്ല കവിത


ശുഭാശംസകൾ....

GR KAVIYOOR said...

അതെ കീയക്കുട്ടി
അത് ഇങ്ങിനെ ആയിരുന്നെങ്കില്‍ കൊള്ളാമായിരുന്നു

നീയില്ലായിരുന്നു എങ്കില്‍ ഞാനും ഉണ്ടാവുമായിരുന്നോ എന്നാക്കാമായിരുന്നു അല്ലെ
ചൂണ്ടി കാട്ടിയതിനു നന്ദി