Wednesday, October 30, 2013

കുറും കവിതകൾ 141

കുറും  കവിതകൾ 141

കടം കയറുമളവും
കല്ലേറിന്‍ കളരിയും
കാലന്റെ കുരുതി കളമിന്നു കേരളം

നിൻ നെഞ്ചകത്തിൻ
ചൂടിൽ വിരിയും
പൂവോ കവിത  

മുകളിൽ ആകാശം
താഴെ ഭൂമി
സ്വപ്നം കാണും നീയും ഞാനും

മെരുക്കുവാനാവാത്ത
നൊമ്പരങ്ങളുടെ വിശപ്പകറ്റാന്‍
കല്ലുടക്കുന്ന ബാല്യം

അമ്പിളിയുടെ സുന്ദര മുഖം
മറയിക്കും കാര്‍മേഘങ്ങള്‍
ഒന്ന് പെയ്യ്തു ഒഴിഞെങ്കിൽ

നിന്‍ നീറ്റല്‍ അറിയുന്നു
സ്നേഹോഷ്മാവ്
അളക്കാന്‍ കഴിയാതെ നദികരയില്‍

സമാന്തരങ്ങളിലുടെ
ബാല്യം ഉരുളുന്നു
വാര്‍ദ്ധ്യക്കത്തിലേക്ക്

സ്വർണ്ണം തേടി
ഉന്നാവില്‍  ഖനനം
കിട്ടിയതോ മണ്ണാങ്കട്ട

പഴിയുടെ
ചുമടു താങ്ങി മടുത്തു
കല്ലായി മനം

ചുണ്ടിക്കാട്ടി തന്നവയൊക്കെ
കല്ലെറിഞ്ഞിട്ടും
തീരുന്നില്ലല്ലോ പാപം

കുമ്പസാര കുടിന്റെയും
പള്ളി ഭിത്തികളുടെയും
തേങ്ങൽ സ്വർഗ്ഗത്തിനു വേദന

1 comment:

സൗഗന്ധികം said...

നിൻ നെഞ്ചകത്തിൻ
ചൂടിൽ വിരിയും
പൂവോ കവിത