Thursday, October 10, 2013

മൊഴിതീര്‍പ്പുകള്‍

മൊഴിതീര്‍പ്പുകള്‍

പുത്തരി അങ്കം കുറിക്കാനും
അനുഗ്രഹിക്കാനും  ചൊല്ലിയയക്കാനും
ഇന്നിന്റെ കൊലായിലാരുമില്ലല്ലോ
കച്ചയഴിഞ്ഞു ഈലോകം പൂകാൻ
വാക്കുളാൽ മാറ്റു ചുരിക  തീർക്കാനിന്നു
മുടിയഴിച്ച് ശപഥം തീർക്കാനൊരുവളില്ല
ചതിക്ക് ചതി എന്നൊരു മന്ത്രമാത്രമെങ്ങും    
മുഴങ്ങുന്നു കാറ്റില്‍ മാറ്റൊലിക്കൊള്ളാനില്ലൊരു
കാതുമെങ്ങും ,കാതങ്ങള്‍ താണ്ടി കാലം
കഴിക്കാന്‍ കാതോര്‍ക്കുന്നു ആരവമാര്‍ന്നൊരു
പുതിയങ്കതട്ട് തീര്‍ക്കാന്‍ ആരുമില്ലേ
അസത്യത്തിനെതിരെ പടനയിക്കാന്‍
ദസ്തയോവിസ്കി, അലക്സാണ്ടര്‍ പുഷ്കിന്‍
മാക്സിം ഗോര്‍കിയും വിവേകാനന്ദനും
ശ്രീ ശങ്കരനും വിദ്യാധിരാജയും
ശ്രീനാരായണ ഗുരുവും വരുമെന്നു
കാത്തു കാത്തിരിക്കാമിനിയും ലോകരെ
കാലഘട്ടങ്ങളുടെ മുഴങ്ങട്ടെ ഇനിയും
തീര്‍പ്പുകല്പിക്കട്ടെ അവരുടെയൊക്കെ മൊഴികളാല്‍

3 comments:

ബൈജു മണിയങ്കാല said...

കാലം സാക്ഷി

സൗഗന്ധികം said...

നല്ല കവിത.


ശുഭാശംസകൾ ....

Gireesh KS said...

നല്ല വരികൾ..