Thursday, May 12, 2011

ഇരുപത്തിയഞ്ച് പൈസ നിര്‍ത്തലാക്കുന്നു

ഇരുപത്തിയഞ്ച് പൈസ നിര്‍ത്തലാക്കുന്നു




ഒന്നും രണ്ടും മൂന്നും പൈസക്ക്
വാങ്ങി തിന്ന പല്ലി മുട്ടായിയും
കപ്പലണ്ടിയും പട്ടാണിയും കടലയും
അഞ്ചു പൈസക്കു വാങ്ങി നുണഞ്ഞു രസിച്ച പാലയിസും
പത്തു പൈസക്ക് വാങ്ങി കടിച്ച് അലിച്ച സേമിയ അയിസും
സ്കൂളില്‍ പോകാന്‍ ബസ്സിനു പിറകെ ഓടിക്കുന്ന പത്തുപൈസയും
സ്വര്‍ണ്ണ വര്‍ണ്ണമാര്‍ന്ന ഇരുപതു പൈസ കൈയ്യില്‍ കിട്ടുമ്പോള്‍
സ്വര്‍ഗ്ഗം കിട്ടിയ വാശിയും സന്തോഷവുമായി വളന്നപ്പോളെക്കും
നമ്മള്‍ രണ്ട് നമ്മള്‍ക്ക് രണ്ടെന്നും
ഇരുപത്തിയഞ്ച് പൈസക്കു മൂന്ന് എന്ന് ഓടുന്ന വണ്ടിയുടെ
പിന്നാമ്പുറത്തു എഴുതി വായിക്കുന്ന കൗമാര്യത്തിന്റെ
പടി മുറ്റം കഴിയുതോറും അപ്രത്ക്ഷമായി കൊണ്ടിരിക്കുന്നു
ഓരോ നാണയങ്ങളും ഇപ്പോള്‍ ഇതാ
ഇരുപത്തിയഞ്ചും കൈ വിട്ട് അകലുന്നു
നാണയങ്ങള്‍ നാട് നീളുമ്പോള്‍
നീളാതെ ഏറാതെ ഉരുളുന്നു
നമ്മുടെ വില മാത്രം





1 comment:

ajith said...

സത്യം.

ഒരു പൈസയും കടകളില്‍ സ്വീകരിച്ചിരുന്ന നാളുകള്‍ ഓര്‍മ്മ വരുന്നു.