ഹൃദയ വാതായനങ്ങൾ

ഹൃദയ വാതായനങ്ങൾ

ഹൃദയ വാതായനങ്ങൾ

വേഗം തുറന്നിടരുതേ...

ചിലർ വന്നു മുട്ടിവിളിക്കും,

അകത്തേക്ക് വിളിച്ചിരുത്തും,

ഒപ്പുനൽകി ഓടിയകലും—

കേവലം ബാലരെപ്പോലെ.

വാക്കുകൾ മധുരമായിരിക്കും,

നോട്ടങ്ങൾ സ്നേഹമായിരിക്കും,

പിന്നെയൊരു നാൾ

തിരിഞ്ഞുനോക്കാതെ

വഴിയകന്നുപോകും...

ഹൃദയത്തിൻ പടിവാതിൽ

തുറക്കുന്നതിനു മുമ്പ്

ഒരുവട്ടം ചിന്തിക്കണം;

വന്നവന്റെ കാൽപ്പാടുകളല്ല,

പോകുമ്പോൾ ശേഷിക്കുന്ന

മുദ്രകളാണ് നോക്കേണ്ടത്.

എല്ലാവർക്കും നൽകേണ്ടതല്ല

ഹൃദയത്തിന്റെ താക്കോൽ;

ചിലർ തുറന്നുവന്നാൽ

തിരികെ പോകുമ്പോൾ

വാതിൽ മാത്രം അടയുകയല്ല—

ഒരു ഹൃദയം കൂടിയാണ്

എന്നെന്നേക്കുമായി അടയുന്നത്.

ജീ ആർ കവിയൂർ 

02 10 2026

( തിരുവല്ല, കവിയൂർ)