ജീവിതത്തിൻ്റെ യാഥാർത്ഥ്യം

സത്യത്തിൽ ഈ ജീവിതത്തിൻ്റെ

യാഥാർത്ഥ്യം ഇത്രയേ ഉള്ളൂ,

വന്നു കുളിച്ചു, കുളി കഴിഞ്ഞു

ഒടുവിൽ മടങ്ങിപ്പോകുന്നു.

വന്നപ്പോൾ ഒന്നും സ്വന്തമല്ല,

പോകുമ്പോഴും ഒന്നും കൂടെയില്ല,

ഇടയിലെ ഈ നിമിഷങ്ങളത്രയും

നമ്മുടേതെന്ന് തോന്നുന്ന മായ.

പിടിച്ചുവച്ചതൊക്കെയും വിട്ടുപോകും,

പണിതുയർത്തിയതും മാഞ്ഞുപോകും,

നാമിവിടെ നടന്ന പാതകളിൽ

കാലടിപ്പാടുകൾ മാത്രം ശേഷിക്കും.

ചിരിയും കരച്ചിലും മാറിമാറി

കാലത്തിൻ്റെ തിരശ്ശീലയിൽ,

ഒരു വേഷം തീർന്നതുപോലെ

നിശ്ശബ്ദമാകും ജീവിതവും.

അതുകൊണ്ടാവാം ഈ യാത്രയിൽ

അഹങ്കാരമെന്തിന്, പകയെന്തിന്?

കിട്ടിയ നാളുകൾ സ്നേഹമാക്കി

മറ്റുള്ള ഹൃദയങ്ങളിൽ ജീവിക്കാം.

ജീ ആർ കവിയൂർ

03 10 2026

( തിരുവല്ല, കവിയൂർ)

ആത്മാവിഷ്കാരങ്ങള്‍