നരച്ച ആകാശത്തിലെ നക്ഷത്രം

നരച്ച ആകാശത്തിലെ നക്ഷത്രം

അന്ന് നിൻ മിഴികളിൽ എന്തൊരു

നക്ഷത്രത്തിളക്കമായിരുന്നു...

ഇന്നുമെൻ നരച്ച ആകാശമേഘങ്ങൾക്കിടയിൽ

തിളങ്ങുന്നു നീയൊരു ആശ്വാസമായി...

തണൽ തേടുന്നു ഈ സായന്തനങ്ങളിൽ,

വിറയാർന്ന കാൽപ്പെരുമാറ്റങ്ങൾക്ക്

കാതോർത്തിരിപ്പും കോലായിലായി,

കാലങ്ങളുടെ നഷ്ടദിനങ്ങളുടെ കണക്കുമായി...

കടന്നുപോയ വഴികളിലെവിടെയോ

കാൽപ്പാടുകൾ മാഞ്ഞുപോയെങ്കിലും,

മനസ്സിന്റെ മുറ്റത്തിന്നും മായാതെ

നമ്മൾ നടന്ന വഴികൾ കിടപ്പുണ്ട്...

പഴയൊരു പാട്ടിന്റെ ഈരടിപോലെ

ഓർമ്മകൾ വന്നു തലോടുമ്പോൾ,

പറയാതെ പോയ വാക്കുകളെല്ലാം

നിശ്വാസമായി ചുണ്ടിൽ തങ്ങുന്നു...

ഒന്നും തിരികെ വരില്ലെന്നറിഞ്ഞിട്ടും

ഉമ്മറത്തിണ്ണയിൽ കാത്തിരിപ്പുണ്ട്,

ഒരു നിഴലെങ്കിലും കടന്നുപോകുമെന്ന

വെറുതെയൊരു പ്രതീക്ഷയുമായി...

നരച്ചുപോയ ഈ സായാഹ്നത്തിലും

നീ തന്നെയെൻ നിലാവിൻ വെളിച്ചം,

അവസാന ശ്വാസം വരെയും കാത്തുസൂക്ഷിക്കും

നമ്മൾ പകർന്ന സ്നേഹത്തിൻ ഓർമ്മകൾ...

ജീ ആർ കവിയൂർ 

01 10 2026

( തിരുവല്ല, കവിയൂർ)