മിഴികളിലെ അനുരാഗം

മിഴികളിലെ അനുരാഗം

വെറും നോട്ടം കൊണ്ടാണല്ലോ

ഹൃദയത്തിൻ തീരുമാനങ്ങൾ നടക്കുന്നത്;

ആ നോട്ടത്തിൽ കുസൃതിയോ വശ്യതയോ ഇല്ലെങ്കിൽ,

പിന്നെന്തിനീ അനുരാഗം?

ഒരു നിമിഷം മിഴികൾ ചേരുമ്പോൾ,

മൗനം പോലും കവിത ചൊല്ലും;

ചുണ്ടുകൾ പറയാതെ പോയതെല്ലാം

ഒരു പുഞ്ചിരിയിൽ പൂർണ്ണമാകും.

ഒരു ചെറുനോട്ടം വഴിയേ വന്നാൽ,

മനസ്സിൽ പൂക്കാലം നിറയും;

അകലങ്ങൾ എത്രയുണ്ടായാലും,

അരികിലാണെന്നൊരു തോന്നൽ വരും.

പറയാതെ പകരുന്നൊരു വികാരം,

തൊടാതെ തഴുകുന്നൊരു സുഖം;

ഒരു ജന്മം കാത്തിരുന്നപോലെ

ഒരു നിമിഷം മതിയാകും അനുരാഗം.

ജീ ആർ കവിയൂർ

05-10-2026

(തിരുവല്ല, കവിയൂർ)