നീ വരുമോ

നീ വരുമോ

പല്ലവി

നിലാവിൻ പൂവേ, നീ വരുമോ

നിറമാർന്ന രാവായ് നീ വരുമോ

മിഴികളിൽ മിന്നും താരമായി

മനസ്സിന്റെ കൂട്ടായ് നീ വരുമോ

ചരണം 1

മന്ദമാം കാറ്റിൽ വന്നെത്തും

മധുരമാം ഗന്ധം പോലേ

മൗനമാം വീണയിൽ മീട്ടുന്ന

മനോഹര ഗീതം പോലേ

എൻ വഴിയിലൊരു പൂവായി

എൻ നെഞ്ചിലൊരു തണലായി

എന്നെന്നും കൂടെ നിൽക്കുവാൻ

എൻ പ്രാണനായി നീ വരുമോ

പല്ലവി

നിലാവിൻ പൂവേ, നീ വരുമോ

നിറമാർന്ന രാവായ് നീ വരുമോ

മിഴികളിൽ മിന്നും താരമായി

മനസ്സിന്റെ കൂട്ടായ് നീ വരുമോ

ചരണം 2

പുലരിയിലെ പൊൻകിരണം പോലെ

പുഞ്ചിരിയോടെ നീ വരണം

പൂവിതളിൽ മഞ്ഞുതുള്ളി പോലെ

പ്രണയമായി നീ പെയ്യണം

തനിച്ചുപോയൊരു സന്ധ്യയിൽ

തഴുകിയെത്തുന്ന കാറ്റായി

തളർന്നുപോകും എൻ ഹൃദയത്തിൽ

താങ്ങായി നീയുണ്ടാകണം

പല്ലവി

നിലാവിൻ പൂവേ, നീ വരുമോ

നിറമാർന്ന രാവായ് നീ വരുമോ

മിഴികളിൽ മിന്നും താരമായി

മനസ്സിന്റെ കൂട്ടായ് നീ വരുമോ

ചരണം 3

ദൂരെയൊരു തീരം കാണുമ്പോൾ

തോണിയായി നീ വരണം

തീരാത്ത എൻ കാത്തിരിപ്പിൽ

തേൻമഴയായി നീ പെയ്യണം

കാലം പലതും മാറിയാലും

കൈകൾ കൈകളിൽ ചേർത്തിടണം

ജീവിതവഴിയിലെ അവസാന നാൾ

വരെയും നീ കൂടെയുണ്ടാകണം

അവസാന പല്ലവി

നിലാവിൻ പൂവേ, നീ വരുമോ

എൻ ജീവിതഗാനമായ് വരുമോ

മിഴികളിൽ മായാത്ത സ്വപ്നമായി

എൻ ഹൃദയത്തിൽ എന്നും നിറയുമോ...

ജീ ആർ കവിയൂർ 

30 09 2026

( തിരുവല്ല, കവിയൂർ)