ചോറ്റാനിക്കര അമ്മ

ചോറ്റാനിക്കര അമ്മ

പല്ലവി

ചാന്തുപൊട്ടും സിന്ദൂരവും ചാർത്തി ഉണർത്താം,

ചോറ്റാനിക്കരയിൽ വാഴും അംബികേ,

ചിത്തത്തിൽ നിത്യവും തെളിയണമേ,

ചാരുതയാർന്ന നിൻ രൂപം അമ്മേ.

അനുപല്ലവി

പൂമാല ചാർത്തി നിന്നെ പൂജിക്കുമ്പോൾ,

പുണ്യമേകണേ എൻ ജന്മം അമ്മേ,

ദുഃഖങ്ങൾ നീക്കി കനിവേകണേ,

ദുർഗ്ഗതിയകറ്റും ജഗദംബികേ.

ചരണം 1

അഭയമരുളേണമേ അമ്മേ ശരണം,

അരികിൽ തണലായി നിത്യം വാഴേണമേ,

മിഴിനീരിൻ മുത്തുകൾ പൊഴിയാതെന്നിൽ,

മാതൃക്കരുണയായി എന്നും നിറയണമേ.

ചരണം 2

മംഗളദീപമായ് മനസ്സിൽ തെളിഞ്ഞ്,

മാതൃവാത്സല്യം ചൊരിയണമേ,

ജന്മജന്മാന്തര പാപങ്ങൾ കഴുകി,

ജയദായിനിയായ് കാത്തിടണമേ.

ചരണം 3

കൈകൂപ്പി നിൽക്കുന്ന ഭക്തരെല്ലാം,

കാണുന്ന നേരം കനിവേകണേ,

ആശ്രയമറ്റുള്ള ഹൃദയങ്ങൾക്കെന്നും,

ആശ്വാസമായി നീ അരുളണമേ.

ചരണം 4

ചോറ്റാനിക്കര വാഴും ഭഗവതിയമ്മേ,

ചരണങ്ങളിൽ വീണിതാ ഞാനമ്മേ,

ജന്മജന്മാന്തരം നിൻ തിരുനാമം,

ജപിച്ചിടുവാൻ വരമേകണേ.

അവസാന പല്ലവി

ചന്തുപൊട്ടും സുന്ദരവും ചാർത്തി ഉണർത്താം,

ചോറ്റാനിക്കരയിൽ വാഴും അംബികേ,

ചിത്തത്തിൽ നിത്യവും തെളിയണമേ,

ചാരുതയാർന്ന നിൻ രൂപം അമ്മേ...

ചാരുതയാർന്ന നിൻ രൂപം അമ്മേ...

ജീ ആർ കവിയൂർ 

04 10 2026

( തിരുവല്ല, കവിയൂർ)