ആൾക്കൂട്ടങ്ങൾ

ആൾക്കൂട്ടങ്ങൾ

ഈശ്വരാ, ഈ ലോകത്തിലെ

ആൾക്കൂട്ടങ്ങളൊക്കെ മടുത്തുപോയിരിക്കുന്നു;

സ്വന്തം മനസ്സുതന്നെ

തളർന്നുപോയെങ്കിൽ പിന്നെ,

എന്തിനീ കൂട്ടായ്മകൾ?

എന്തിനീ ആഘോഷങ്ങൾ?

ഉള്ളിൽ വെളിച്ചമില്ലെങ്കിൽ

ജനക്കൂട്ടങ്ങൾക്കിടയിലും

എന്ത് ആനന്ദമാണ് ലഭിക്കുക?

പല മുഖങ്ങൾ ചുറ്റുമുണ്ടെങ്കിലും

പരിചിതരാരുമില്ല;

കൂടെ നടക്കാൻ പലരുണ്ടെങ്കിലും

കൂടെ നിൽക്കാൻ ആരുമില്ല.

ചിരിയുടെ മറവിൽ പോലും

നൊമ്പരങ്ങൾ ഒളിച്ചിരിക്കുമ്പോൾ,

തേടിയതെല്ലാം അകലെയായി

തനിച്ചാകുന്നു ഓരോ നിമിഷവും.

പുഞ്ചിരികൾ ചുറ്റുമുണ്ടെങ്കിലും

പങ്കുവയ്ക്കാൻ ആരുമില്ല;

വാക്കുകൾ ഒരുപാടുണ്ടെങ്കിലും

പറയാനെല്ലാം മൗനമായി.

അടുത്തിരുന്നവരൊക്കെയും

അകന്നുപോയൊരു നാളിൽ,

ഭഗവാനേ, നിൻ സാന്നിധ്യം മാത്രം

എനിക്കൊരു തണലാകുന്നു.

വിശ്വം മുഴുവൻ വിട്ടുപോയാലും

നിൻ കരങ്ങൾ കൂടെയുണ്ടെങ്കിൽ,

ഏകാന്തത പോലും പിന്നെ

എന്തിനൊരു ഭാരമാകണം?

ആൾക്കൂട്ടങ്ങൾ വിട്ടകന്നാലും

നിൻ അരികിൽ വന്നിരിക്കാം;

ഭൂവിൽ കിട്ടാത്ത സമാധാനം

നിൻ സന്നിധിയിൽ കണ്ടെത്താം.

ജീ ആർ കവിയൂർ 

02 10 2026

( തിരുവല്ല, കവിയൂർ)