ഈശ്വരൻ കൂടെയുണ്ട്

ഈശ്വരൻ കൂടെയുണ്ട്

നീ എന്താണ് കരുതിയത്, ഇനി നിനക്ക്

ചിരിക്കേണ്ടതില്ലെന്നാണോ?

നീ എവിടെയൊക്കെ കരഞ്ഞുവോ, അവിടെയൊക്കെയും

നിന്നോടൊപ്പം ഈശ്വരനുണ്ടെന്നറിയുക.

കണ്ണുനീരായ് വീണ നിമിഷങ്ങളൊക്കെയും

കരുണയായി മാറുമെന്നറിയുക,

തളർന്നുപോയ നിൻ ഹൃദയത്തിനുള്ളിൽ

താങ്ങായി അവൻ കൂടെയുണ്ടാകും.

ഇരുളിലായിപ്പോയ വഴികളിലൊക്കെയും

വെളിച്ചമായി അവൻ വരും,

നീ തനിച്ചെന്ന് തോന്നുന്ന നേരങ്ങളിൽ

നിഴലായി അരികിൽ നിൽക്കും.

കഴിഞ്ഞുപോയ വേദനകളൊക്കെയും

കാലം മായ്ച്ചുകളയുമൊരു നാൾ,

മിഴിനീരിൻ നനവു മാറിയിടത്ത്

പുഞ്ചിരിപ്പൂക്കൾ വിരിയും നാൾ.

അതുവരെ നീ തളരരുത്,

പ്രതീക്ഷ കൈവിടരുത്,

നീ നടന്ന ഓരോ വഴിയിലും

ഈശ്വരൻ കൂടെയുണ്ടെന്നറിയുക.

ജീ ആർ കവിയൂർ 

02 10 2026

( തിരുവല്ല, കവിയൂർ)