ചഷകമേ

ചഷകമേ

മദ്യം പകർന്നു വീഴ്ത്താൻ ആർക്കും കഴിയും,

വീണുപോയവനെ താങ്ങുന്നതിലാണ് മഹത്വം;

ലഹരി ചുണ്ടുകളെ മാത്രം തഴുകുമ്പോൾ,

കരുണയൊരു ഹൃദയത്തെ ഉണർത്തുന്നു.

കുപ്പികളിലെ ലഹരി രാത്രിയെ മറക്കിക്കും,

മനസ്സിലെ മുറിവുകൾ മായുകയില്ല;

ഒരു സ്നേഹസ്പർശം തകർന്ന ആത്മാവിൽ വീണാൽ,

ഇരുളിലും പ്രതീക്ഷയുടെ നാളം തെളിയും.

വീഴ്ചയെ നോക്കി ചിരിക്കാൻ കാണികളേറെ,

കൈ നീട്ടി ഉയർത്താൻ വിരളമൊരു മനസ്സ്;

ജീവിതം ചോദിക്കുന്നത് വീണതിന്റെ എണ്ണമല്ല,

വീണവന് താങ്ങായോ എന്നതത്രേ.

ചഷകമേ, നീ നിറയുന്നത് മദ്യത്താലെങ്കിൽ,

മനുഷ്യഹൃദയം നിറയട്ടെ കരുണയാൽ;

വീഴ്ത്തിയ കൈകൾ മറഞ്ഞുപോകും കാലത്തിൽ,

താങ്ങിയ കൈകൾ ഒരു ജീവിതമായി ഓർമ്മയാകും.

ജീ ആർ കവിയൂർ

05-10-2026

(തിരുവല്ല, കവിയൂർ)