സത്യത്തിലേക്കുള്ള ചെറിയ വഴി

വലിയ വഴികളൊക്കെയും

എന്നെ ദൂരങ്ങളിലേക്കെടുത്തു,

ചെറിയൊരു ഇടവഴി മാത്രം

എന്റെ ഉള്ളിലേക്കെത്തിച്ചു.

പൊൻമിനുക്കുള്ള കാഴ്ചകളിൽ

പലതും സത്യമെന്നു തോന്നി,

കണ്ണാടിയുടെ മുന്നിൽ നിന്നപ്പോൾ

മുഖം മാത്രം സാക്ഷിയായി.

അന്യരുടെ കൈയടിക്കായി

ഞാൻ പല മുഖങ്ങൾ ധരിച്ചു,

ഒറ്റയ്ക്കായ നിമിഷത്തിൽ

അവയെല്ലാം അഴിഞ്ഞുവീണു.

കാൽപ്പാടില്ലാത്തൊരു പാതയിൽ

ഒരു വെളിച്ചം മുന്നിൽ തെളിഞ്ഞു,

അതിനെ പിന്തുടർന്നപ്പോൾ

ഞാൻ എന്നിലേക്കെത്തി.

അവസാനം തിരിച്ചറിഞ്ഞു—

ദൂരം കുറയ്ക്കുന്നതല്ല യാത്ര,

അഹങ്കാരത്തിൽ നിന്ന് സത്യത്തിലേക്ക്

തിരിയുന്ന ഒരു ചുവടാണ്

ഏറ്റവും ചെറിയ വഴി.

രചന: ജീ ആർ കവിയൂർ

30 -09-2026

(തിരുവല്ല, കവിയൂർ)

ആത്മാവിഷ്കാരങ്ങള്‍