Friday, March 27, 2015

കാത്തിരിപ്പിന്‍ നോവു

കാത്തിരിപ്പിന്‍ നോവ്‌

ഹിമം മൂടിയ ഗ്രാമം
മെല്ലെ എത്തിനോക്കും സൂര്യന്‍
അരുവിയുടെ കളകളാരവത്തോടൊപ്പം

ഒരു രാത്രി കൂടിയണഞ്ഞു
നിനക്കായി ഉള്ള കാത്തിരിപ്പ്
കുളിര്‍ക്കാറ്റ് മഴയായിമാറി.

വിതുമ്പി തുള്ളിയിട്ടു
മരച്ചില്ലകളും നനഞ്ഞു
ചിറകൊട്ടി കാത്തിരിപ്പു നീണ്ടു നിനക്കായി

പാതിരാ പുള്ളുകള്‍ ചിലച്ചു
മണ്‌ഡൂകങ്ങള്‍ ഏറ്റു പാടി
ചീവിടുകള്‍ ശ്രുതി മീട്ടി

എന്നിട്ടും നീ എന്തെ
ചേക്കേറാന്‍ വന്നില്ല
കുടുവിട്ടു കൂറുമാറിയോ

എല്ലുനുറുങ്ങും വേദനയോ
പ്രണയമേ നിനക്ക്
ഇത്ര ക്രൂര മുഖമോ നിന്റെ


മിഴികള്‍ തെളിച്ചു ഇനിയൊരു
വസന്തത്തിന്‍ പ്രതീക്ഷയുമായി
ചില്ലകള്‍ തോറും കയറി ഇറങ്ങുന്നു നിനക്കായി


No comments: