മരുഭൂമിക്കുള്ളിലെ വരൾച്ച

മണലിൽ തളർന്നു വീഴുമ്പോൾ

കാറ്റെന്നോട് ചോദിക്കുന്നു—

“ഭ്രാന്തിന്റെ കൂട്ടില്ലാതെ

നിങ്ങളെന്തിന് ഈ മരുഭൂമിയിലേക്കു വന്നു?”

പുഞ്ചിരിയോടെ കാറ്റിനോടു മറുപടി പറഞ്ഞു—

“പച്ചപ്പുകൾ തേടിയല്ല,

ഉള്ളിലെ വരൾച്ച അറിയാനാണ്

ഈ ചുട്ടുപൊള്ളും വഴിയിലൂടെ വന്നത്.”

ദാഹിച്ച ചുണ്ടുകളിൽ മൗനം കനക്കുമ്പോൾ,

ദൂരെയെവിടെയോ മരീചിക ചിരിച്ചു;

കൈവിട്ടുപോയ സ്വപ്നങ്ങളുടെ കാൽപ്പാടുകൾ

കാറ്റ് വീണ്ടും മണലിൽ വരച്ചു.

ഒടുവിൽ തിരിച്ചറിഞ്ഞു—

മരുഭൂമി പുറത്തായിരുന്നില്ല, ഉള്ളിലായിരുന്നു;

തണലായി കൂടെയുണ്ടായിരുന്ന ചിലരെയാണ്

വഴിതെറ്റിയെന്നു കരുതി തേടിയത്.

ജീ ആർ കവിയൂർ

05-10-2026

(തിരുവല്ല, കവിയൂർ)

ആത്മാവിഷ്കാരങ്ങള്‍