പ്രാർത്ഥനയുടെ കണ്ണുനീർ

മനസ്സ് പ്രാർത്ഥനയിൽ പൊഴിക്കുന്ന കണ്ണുനീർ

വെറുതെയാവില്ല, അത് വിധിയെ മാറ്റിമറിക്കും;

ഇരുളിൽ തളരുന്ന വഴികളിലൊക്കെയും

ഈശ്വരൻ കൈപിടിച്ച് വെളിച്ചം പകരും.

തകർന്നുപോയ സ്വപ്നങ്ങൾ നെഞ്ചിൽ കിടന്നാലും

പ്രത്യാശയുടെ നാളം അണയാതെ കാക്കണം;

തളർന്നുപോകുന്ന നിമിഷങ്ങൾ വന്നാലും

താങ്ങായി ദൈവത്തെ ഹൃദയത്തിൽ ചേർക്കണം.

കണ്ണുനീർ വീണ മണ്ണിൽ പൂക്കൾ വിരിയും,

കാത്തിരിപ്പിൻ നാളുകൾ ഫലമായി മാറും;

നിശ്ശബ്ദ പ്രാർത്ഥന ആകാശം കേൾക്കും,

നിറയാത്ത മോഹങ്ങൾ അനുഗ്രഹമാകും.

ഇന്നലെ നൽകിയ വേദന മറന്നിടാം,

നാളെയുടെ നന്മയ്ക്കായ് വിശ്വാസമേകാം;

മനസ്സിൻ മുറിവുകൾ സ്നേഹത്താൽ മായും,

പ്രാർത്ഥനയോടെ ജീവിതം പുഞ്ചിരിക്കും.

രചന: ജീ ആർ കവിയൂർ

06-10-2026

തിരുവല്ല, കവിയൂർ

ആത്മാവിഷ്കാരങ്ങള്‍