നറുനിലാവിൻ ഓർമ്മകൾ

നറുനിലാവിൻ ഓർമ്മകൾ

നെഞ്ചിലാകെ പടർന്നിറങ്ങി

ഓർമ്മകളുടെ നറുനിലാവ്;

നിഴൽ തേടി നടന്നു പോയി

യൗവനത്തിൻ പടിവരെ.

മധുരനൊമ്പരമുണർന്നു,

മിഴികളിൽ നനവു പടർന്നു;

ചെടികളൊക്കെയും വിതുമ്പിനിന്നു,

മൗനം മെല്ലെ മൊഴിഞ്ഞു.

അക്ഷരമലരുകൾ കൊഴിഞ്ഞു,

അനുരാഗക്കുറികൾ തീർത്തു;

അറിയാതെ പെയ്തൊഴിഞ്ഞു,

കുളിർക്കാറ്റിൽ ഉള്ളം തണുത്തു.

പൂവഴിയിൽ പാദസരമായ്

നീയരികിലായ് വന്നണഞ്ഞു;

മറവിയുടെ തിരശ്ശീലയ്ക്കുള്ളിൽ

മാഞ്ഞുപോയൊരു ഗാനം ഉണർന്നു.

ജീ ആർ കവിയൂർ

05-10-2026

(തിരുവല്ല, കവിയൂർ)