മഴ കനവ്

കാവലാളവൻ ഭൂമിയുടെ മാറിടത്തിൽ
കിനാക്കണ്ടു  കിടന്നു ഒരു വേഴാമ്പലായ്
കിനിയും ഒരു വർഷ ചിലമ്പൊലിക്കായ്‌
കംബള പരിരംഭണ  ശീതളസ്പർശമോർത്ത്

വരണ്ട സിരകളിൽ വിതുമ്പുന്ന മോഹങ്ങൾ
വിരഹം ഗ്രസിച്ച ഉടലാഴങ്ങളിൽ മേഘ ഗർജനം
വിരലുകൾ വിതുമ്പി അക്ഷര പെയ്യ്ത്തിനായ്
വരവറിയിച്ചു മനമോഹിനി മേഘവർഷിണി 

മയിലാടി മായാ മോഹങ്ങൾ മേദിനിയുടെ
മനമറിഞ്ഞു മണം പരത്തി ചുരത്തിതീർക്കുന്നു
മഞ്ഞവെയിൽ കാർന്നു തിന്നു മദിച്ചു നിൽക്കുന്നു
മനമിപ്പോഴുമോർമ്മകളിൽ കള്ളകർക്കിടം ...!!!