Sunday, January 8, 2017

വിടതരിക


വിടതരിക

ഉദയാസ്തമയങ്ങൾക്കിടയിൽ
ഒഴുകി നീങ്ങുന്നുണ്ടു
ജീവിതവഞ്ചി ..!!

എങ്കിലും അറിയുന്നു ഞാനിപ്പോൾ
എന്റെ ഉള്ളിൽ നീ വിടര്‍ന്നു നില്‍പ്പു
ഒരു ഓർമ്മ പുഷ്പമായ്  ..!!

എപ്പോഴും നീ മൗനവാല്മീകത്തിലായിരുന്നു
നിന്‍ കൃഷ്ണമണികളുടെ ചലങ്ങള്‍ എന്റെ
തൂലികക്കു തുണയേകിയിരുന്നു ..!!

നിന്‍ പ്രണയത്തിന്റെ സ്വാദ്
എന്‍  വിരഹത്തിന്‍ വിശപ്പ്‌
അറിയിക്കുന്നു അക്ഷര നോവിലുടെ ..!!


എന്റെ കൈകുമ്പിളിലെ ജലവും
കാല്‍ചോട്ടിലെ മണ്ണും
കണ്ണുകളിലെ അഗ്നിയും

ചിദാകാശവും നേരിന്റെ ശ്വാസവും
എന്നെ വിട്ടകലും പോലെ
ഇനി വിടതരിക .....

എന്‍  ആത്മാവിന്റെ
ആഴത്തിലേക്ക് അലിയട്ടെ
നീയും ഞാനുമെല്ലാമൊന്നെന്നു അറിയുന്നു ...!!

ജീ ആര്‍ കവിയൂര്‍
8-1-2017

എന്റെ മൊബൈല്‍ ചിത്രം മെട്രോ സ്റ്റേഷന്‍ esplanade കൊല്‍കത്ത

No comments: