Saturday, April 28, 2012

പൂജ്യത്തിന്‍ പിന്നാലെ


പൂജ്യത്തിന്‍ പിന്നാലെ 



ഓരോ പൂജ്യം കൂടുമ്പോഴും 
ഓര്‍മ്മകളിലായിരം വര്‍ണ്ണങ്ങള്‍ 
ആദ്യത്തെ പൂജ്യം ഒന്നിനോട് ചേര്‍ന്നു നിന്നപ്പോള്‍ 
അറിഞ്ഞു  ലോകത്തിനു അനുയോജ്യനാണെന്നു   
രണ്ടിനോടൊപ്പം ഒത്തു ചേര്‍ന്നപ്പോള്‍  
ഇണയെ തേടി തുടങ്ങി മനം 
മൂന്നിന്‍  കൂടെ മുന്നോട്ടാഞ്ഞപ്പോള്‍ 
മൂന്നായി മാറി ഹൃദയപൂര്‍വ്വം ജീവിതം 
നാലിനോടൊപ്പം ചേര്‍ന്നു നിന്നു 
നാലു പേര്‍ക്കുള്ള വഴി തേടി തണല് കൂരയ്ക്കു കീഴിലായി 
അഞ്ചിനോടൊരു ഒരു ചക്രമെന്ന പൂജ്യം തിരിഞ്ഞപ്പോള്‍ 
അഞ്ചിത ഭാരം വലിച്ചു കരക്കടുപ്പിക്കാന്‍ തിടുക്കം 
ആരുമറിഞ്ഞില്ല  ആറിനോടൊപ്പം കൂടിയ 
റുപഴഞ്ചന്‍ ചിന്തകളുണര്‍ന്നു മുക്തിക്കായി 
ഏഴും എട്ടിനും ഒപ്പമെത്തിക്കാന്‍ പൂജ്യവുമായി 
പായുകയായിരുന്നു മക്കളും കൊച്ചുമക്കളും 
ഇനിങ്ങ് പൂജ്യങ്ങളെ പൂജിക്കാന്‍ 
സംപൂജ്യനായി കണ്ണും നട്ട്  അനന്തതയിലേക്ക് ........ 
 

12 comments:

thonnyaaksharangal said...

പൂജ്യം എന്ന കവിത
അങ്ങയെ
പൂജനീയനാക്കുന്നു.
ഹൃദ്യം ഈ വരികള്‍.....
ഒന്നും പറയാനില്ല .
മനസാ നമിക്കുന്നു...

സ്നേഹത്തോടെ..
SIVASANKARAN KARAVIL

സദീഷ് .ജെ .മഞ്ചാടി . said...

ജീവിതത്തിന്റെ ധന്യ മുഹുര്തങ്ങള്‍ കഴിഞ്ഞു പോകുന്ന നിമിഷെങ്ങള്‍,നാം പോലും അറിയുന്നില്ല ,പൂജ്യത്തിനു സംപൂജ്യമായ ആശംസകള്‍ .

ajith said...

ഓര്‍ത്താല്‍ ജീവിതമൊരു ചെറിയ കാര്യം
ആര്‍ത്തി കാണിച്ചിട്ടെന്തു കാര്യം

ഗോപകുമാര്‍.പി.ബി ! said...

കൊള്ളാം !
കവിതാ മൂല്യം പൂജ്യത്തേക്കാളേറെ ഉയരെ!!

ജീ . ആര്‍ . കവിയൂര്‍ said...

അഭിപ്രായങ്ങള്‍ നല്‍കി എന്റെ കവിതകള്‍ വായിച്ചു പ്രോത്സാഹിപ്പിച്ച എല്ലാവര്‍ക്കും നന്ദി

Sreekumar Cheathas said...

ആശംസകള്‍

ഷാഹിദ് said...

നന്നായിരിക്കുന്നു.

Jefu Jailaf said...

വ്യതസ്തമായ അവതരണം.. നന്നായിട്ടുണ്ട് ഈ കാലചക്രത്തിന്റെ ഗതിവേഗം..

Raihana said...

ആശംസകള്‍

c.v.thankappan said...

ഹൃദ്യമായ വരികള്‍
അര്‍ത്ഥഗര്‍ഭമായ കവിത.
അഭിനന്ദനങ്ങള്‍.
അവസാനത്തെ വരിയിലെ 'അന്തതയില്‍'
'ന'വിട്ടുപോയതാണൊ ജീ.ആര്‍.സാറെ?
ആശംസകളോടെ

ജീ . ആര്‍ . കവിയൂര്‍ said...

നന്ദി തങ്കപ്പന്‍ ഏട്ടാ തിരുത്തിയിട്ടുണ്ട്
അഭിപ്രായം അറിയിച്ചതിനും നന്ദി

MyDreams said...

:)