ചിന്തുന്ന ചിന്തകൾ

ചിന്തുന്ന ചിന്തകൾ

എഴുതാതെ പോയതാം,

ഏടുകളിൽ ഞാൻ

എഴുതട്ടെയൊഴുകുന്ന ചിന്തകളൊക്കെയും!

എളുതല്ല ജീവിതയാത്രയി-

ലെങ്ങാണ്ടോനിന്നു നാം വന്നെങ്ങോ നീങ്ങി മറഞ്ഞിടുന്നോർ!

ഏറാത്ത കീറമാറാപ്പതും പേറി

ഏണിപ്പടികളിൽനിന്നു വഴുതിയൊ-

രേണിലായ് തട്ടിത്തടഞ്ഞുവീണെന്നാലും പിന്നെ-

യെണീറ്റു നടക്കുന്നു നമ്മൾ.

ഏലം വലിക്കുന്നല്ലോ;

എക്കിട്ടമൊപ്പം വരുന്നുവല്ലോ,

എന്നെങ്കിലുമെത്തും

ഏഷണിക്കും ഭീഷണിക്കുമപ്പുറത്ത്

ഏഴ് സാഗരത്തിനപ്പുറം

ഏതു സ്വരവും കേൾക്കാത്തതിനപ്പുറം

എന്തിനിത്രക്കൊടും ചിന്തയെൻ ചിത്തമേ? 

ജീ ആർ കവിയൂർ

20 03 2023