Monday, April 14, 2014

വിഷു കെണി

വിഷു കെണി

മേടം വന്നു മനസ്സില്‍ മാത്രം
തെളിഞ്ഞില്ല ഒന്നുമേ
തിരഞ്ഞെടുപ്പിന്‍ ചൂടില്‍
കണിക്കൊന്നകള്‍ കൊഞ്ഞനം കാട്ടി ചിരിച്ചു
ഒപ്പം അസാധുക്കളും നോട്ടവും കുടെ ചിരിച്ചു
ചൂലും കൈപ്പത്തിയും താമരയും
അരിവാളും ചുറ്റികയും നക്ഷത്രങ്ങളും
ഉദയസുര്യനും ഏണിയും ഏഷണിയും
തമ്മില്‍ ചാക്കിട്ടു പിടുത്തത്തില്‍
ആം ആദ്മികളെ ആമം വച്ചു
മങ്ങലേല്‍പ്പിക്കുന്നു വിഷുപക്ഷിയുടെ
പാട്ടിന്‍ താളത്തില്‍ വിത്തും കൈക്കോട്ടും
തേടിയലഞ്ഞു അവയൊക്കെ
അന്യ സംസ്ഥാനത്തിലേക്കു വണ്ടികയറി
കണിവെക്കാന്‍ കെണികള്‍ മാത്രം

No comments: