Saturday, April 26, 2014

എന്റെ പുലമ്പലുകൾ - 20

എന്റെ പുലമ്പലുകൾ - 20

എഴുതി തേഞ്ഞ വാക്കുകൾക്ക്
മടുപ്പിന്റെ ചെടിക്കും മണം
വെടുപ്പിന്റെ അളവുകോൽ
വഴുതി വീണ പോൽ
വെളുപ്പിന്റെ പ്രതലങ്ങളിൽ
നീലിമ പടർത്തിയാകാശ വർണ്ണം
ഇടക്ക് എതിർപ്പിന്റെ നാവുകൾക്ക്
കാട്ടു തീയുടെ തീക്ഷണത
മനസ്സിന്റെ പുസ്തകതാളുകളിൽ
അന്യതയുടെ അന്ധാളിപ്പുകൾ
വിജനമായി മരുഭൂവിയതിൽ
കള്ളിമുള്ളുകളുടെ  കുത്തി നൊവുകൾ
എവിടെ നിന്നോ അദൃശ്യ ശക്തിയുടെ
പ്രേരണയാൽ വീണ്ടും
ഉയർത്തെഴുനെൽപ്പിന്റെ വഴികളിൽ
അകലെ കുയിലുകൾ കൂകിവിളിക്കുന്നു
മുല്ലപ്പുവിന്റെ മാസ്മരഗന്ധം
കാട്ടാറുകളുടെ കള കള നാദം
ചുരം താണ്ടി വരുന്ന മഴയുടെ പൊടി മണം
ഉണർന്നു വീണ്ടും തൂലിക
ഉയിരിന്റെ നെടുവീർപ്പുകൾ
അക്ഷരനാമ്പുകൾക്ക് പച്ചിപ്പ്
ഇല്ലയിനിയില്ല ഒരു തിരിഞ്ഞു നോട്ടം
ആരും ആരെയും നോക്കാതെ
ഒറ്റയാൾ പടയാളിയായിനി
മുന്നേറുക തന്നെ ............

No comments: