Thursday, April 24, 2014

കുറും കവിതകൾ 198

കുറും കവിതകൾ 198

വേനൽ മഴപൂരം
ആനന്ദാശ്രു  തീരത്തു
മേടമാസ സായന്തനങ്ങൾ        

വാൽ പുഴുക്കൾക്ക് അന്നം
ഉറുമ്പുകളുടെ ഘോഷയാത്ര
എന്റെ വായന മരിച്ച ഷെൽഫ്  

ശലഭങ്ങൾ നിർഭയം
മൌസുകളാൽ യുദ്ധം
വേനൽക്കാലയവധി    


കവിതയായി വന്നു
കവിയൂരിൽ ആശ്വാസമായി
ഹൈക്കുവിൻ കാവ്യ സദ്യ

വേനലിൻ വാശിയകറ്റി
കുളിർക്കാറ്റു
പൂരത്തിനൊരുങ്ങുന്നു ആകാശം

മഴപെയ്യുന്നു
മദ്ദളം കൊട്ടുന്നു
പവ്വർകട്ടിനു ആശ്വാസം    

ഉറക്കം മരണ തുല്യമാണ്
പ്രണയം മാരണവും
അറിയുന്നു സ്വപ്നായനം

വഴിയരികിൽ കാത്തു കിടക്കുന്നു
സ്വപ്നമായി അന്യ നാട്ടിലേക്ക്
ആർക്കും വേണ്ടാതെ ചക്ക 

No comments: