Sunday, April 13, 2014

മരീചികയിൽ -കവിത -ജീ ആർ കവിയൂർ

മരീചികയിൽ  -കവിത -ജീ ആർ കവിയൂർ

ഒരു പിടി കണിക്കൊന്നയും
വിഷുപക്ഷിപ്പാട്ടിനു കാതോർത്തും
തൂശനിലയിലെ വിഭവങ്ങളും
പുത്തനുടുപ്പിട്ട് തുള്ളി ചാടിയും
തെന്മാവിലെ മാങ്ങയുടെ രുചിയും
കൈനീട്ടവുമായി പൂരപ്പറമ്പിലെ
കണ്മഷി ചാന്തു സിന്ദൂരവും
വളകിലുങ്ങുമൊർമ്മകളാൽ
ഇന്നുമെൻ മനമറിയാതെ
എന്നെ മറന്നങ്ങു നിന്നെ ഓർക്കുന്നു
കൊത്തുകല്ലും കണ്ണുപൊത്തിയും
മണ്ണപ്പം ചുട്ടതും അമ്മയുമച്ഛനുമായി കളിച്ചു
വഴക്കിട്ടു പിരിഞ്ഞു പോട്ടിയുടഞ്ഞ വലപ്പൊട്ടുകളിന്നും
മായാതെ ജീവിക്കാൻ ശക്തി പകരുന്നുയി
പ്രവാസ ലോകത്തെ ഊഷര ഭൂവിൻ മരീചികയിൽ 

No comments: