Friday, April 18, 2014

വരിക വേഗം

വരിക വേഗം

കത്തിയെരിയും തിരിനാളമായ്‌ മനം
കാത്തുനിന്നു നിന്നെയി വഴിത്താരയില്‍
കാണാതെ തേങ്ങി കണ്ണുനീര്‍ വാര്‍ന്നോഴുകിയി
കര്‍ണ്ണികാരത്തിന്‍  തണലിലായി നില്‍പ്പു

ഓര്‍മ്മളോടി കളിച്ചോരെന്‍
ഓലപ്പുരയുടെ ചരല്‍ വിരിയില്‍
ഓലനും തോരനും കഞ്ഞിയും കറിയും
ഒട്ടല്ല ഒരായിരം വട്ടം മുത്തമിട്ട ബാല്യമേ

ആ നല്ലനാളിന്‍ ഓളപരപ്പിന്റെ
ആഴങ്ങളില്‍ കൈകോര്‍ത്തു നടന്നോരാ
ആരാമ സുഖ ശീതള ശയ്യകളില്‍
ആരുമറിയാതെ ഓടിയകന്നൊരു  കാലത്തിന്‍

കാല്‍പ്പെരുമാറ്റത്തിനു കാതോര്‍ക്കുമ്പോള്‍
കാതരയായിയെന്‍ മനം തേങ്ങുന്നു
കാതങ്ങളിനിയുമേറെയില്ല താണ്ടുവാന്‍
കളിവഞ്ചി പോലെയി ജീവിതമൊടുങ്ങുവാനായി

No comments: