തലമുറകളിലുടെ .......

തലമുറകളിലുടെ .......

നീണ്ടു നിവര്‍ന്നു കിടന്ന്


മുറുക്കി ചുവപ്പിച്ച്


നീട്ടി തുപ്പി നാട്ടു വര്‍ത്തമാനങ്ങള്‍


പങ്കുവച്ചും ഞാറ്റുവേലകളും


പറ നിറകളും പൂക്കളങ്ങളും തുമ്പി തുള്ളലുകളും


തിരുവാതിരയും കണ്ടു രസിച്ചും


പല തീരുമാനങ്ങളുറപ്പിച്ച്


അളന്നും എണ്ണിയും കൊടുത്തും


എത്രയോ തലമുറകള്‍ മാറിയെത്തിയ


നിന്നില്‍ ഇരുന്നു തീര്‍പ്പ്കല്‍പ്പിച്ചിരുന്നു


ഇപ്പോള്‍ അവസാന കാരണവരും


പോയി മറഞ്ഞപ്പോള്‍ വാര്‍ണിഷ് പുരട്ടി


നിന്റെ കരി വീട്ടിയാര്‍ന്ന ശരീരം കണ്ട്


പലരും വിലപേശിയപ്പോള്‍


എനിക്ക് നിന്നെ വിട്ടകലാന്‍ ഒരു .................


............... മകള്‍ ചോദിച്ചു എന്താണച്ഛാ കണ്ണ് നിറഞ്ഞുവല്ലോ


അപ്പോഴാണ് ഓര്‍ത്തത് ഞാനിരിക്കുന്നത്


ഈ ചാരു കസേരയിലാണല്ലോയെന്ന്‍