ഓർമ്മയിൽ നീ

ഓർമ്മയിൽ നീ 

നിൻ മിഴി പൂക്കളുടെ 

ചാരുതയിൽ നിറമാർന്ന 

സ്വപ്നങ്ങൾ കണ്ട് ഉണരുമ്പോൾ

വിരഹത്തിൻ്റെ ലവണ രസം 

പിരിയാനാവാത്ത മനസ്സിൻ്റെ

കോണുകളിൽ ഓർമ്മയുടെ

വസന്തം പൂത്തുലഞ്ഞു 

കൂയിലുകൾ പാടി പഞ്ചമം

മാനം കറുത്തിരുണ്ടു

മയിലുകൾ നൃത്തമാടി

മനസ്സ് ഒരു മാൻ പേടയായ്

തുള്ളി തുടിച്ചു നിന്നു

നീവരുമെന്ന സന്തോഷത്തിൻ്റെ

ലഹരി പകർന്നു മണ്ണും വിണ്ണും

പിന്നെ ഈ ഞാനുമെൻ ചിന്തയിൽ

നിറയും നീയെന്ന മായിക ഭാവവും 

ജീ ആർ കവിയൂർ

30 06 2023