Saturday, June 13, 2015

മുല്ലയോടു

മുല്ലയോടു

നിനക്ക് വേദനിച്ചെങ്കിലും
ഞെട്ടറുത്തു ചെടിയില്‍ നിന്നും
പിച്ചിവേര്‍പെടുത്തുമ്പോള്‍
നൊമ്പരരാനുഭവമറിയുന്നില്ലല്ലോ
ഏറെ സുഗന്ധം പരത്തിയ  നിന്നെ
എന്‍ വാര്‍മുടി തുമ്പിലെത്രയോചൂടി
മലര്‍മാല്യമായി നീയെന്‍ കതിര്‍മണ്ഡപവും
താണ്ടി രാവിന്‍ ശയ്യാ ഗൃഹത്തിലും കൂട്ടുവന്നില്ലേ
കരലാളനത്തിന്‍ ചൂടില്‍ നീ വാടിതളരുമ്പോഴും
നിന്‍ മണമെന്‍ മനസ്സിലിന്നുമൊര്‍മ്മയുടെ
കഞ്ചുകമൂരി പരിലസിച്ചു പിന്നെയും പിന്നെയും
നിന്നെ കാണുമ്പോളിന്നുമെന്‍ മനം തേങ്ങുന്നു
പട്ടടയില്‍ സ്നേഹം ഉരുകി വെന്തു കനലായി
തണുത്തപ്പോഴും  ചൂടുവാനാവാതെ ഏറെ
ഖിന്നയായി നിന്നെ നോക്കി കാണ്മുയി വൈധവ്യത്തില്‍ 

No comments: