Saturday, June 1, 2013

കുറും കവിതകള്‍ 98

കുറും കവിതകള്‍ 98 

കടത്തിണ്ണയിലെ
ഉറങ്ങിയ കടവായില്‍ 
ഈച്ചകളുടെ സ്നേഹ പ്രകടനം 

നീ കോറിയിട്ട ഓർമ്മകൾ 
വേട്ടയാടി കൊണ്ടിരുന്നു 
നിദ്രയില്ല രാവുകൾ 

നിറമെന്തെന്നു അറിയാതെ
പിന്തുടരുന്നു വെളിച്ചത്തോടോപ്പം
വലുതായും ചെറുതായും നിഴലുകള്‍

വിഷാദം ഉള്ളിലോതുക്കും
വൈഢൂര്യ തിളക്കമാം
ബിന്ദുവോ നീ

ഇടവേള തീര്‍ക്കാന്‍
ചുങ്കം വാങ്ങിയ
പരസ്യക്കാര്‍ക്ക് തിടുക്കം

ചുണ്ടാലുരച്ച് തൂവലൊതുക്കി
അന്തികൂട്ടിന്നു കാത്തിരുന്നു
ഇണക്കിളിയുടെ ചേക്കേറിനായി...!

കറ കളഞ്ഞ രഹസ്യങ്ങളൊക്കെ
കൂടുവീട്ടു കൂടുമാറുന്നു
ഇരുളിന്‍ മറയില്‍

അടര്‍ന്നു വീഴുന്നു സംഗീതം
മൌനമായൊരു മഴനീര്‍
പഴയൊരു കലത്തിലേക്ക്

1 comment:

ajith said...

അടര്‍ന്ന് വീഴുന്ന സംഗീതം