Saturday, November 12, 2011

അറുപതും കടന്നങ്ങ്

അറുപതും കടന്നങ്ങ്


എന്നിലുള്ളൊരു  ഇംഗിതമെല്ലാമെപ്പോഴാണ്  
അറുതി വരുന്നതെന്ന് അറുപതായിട്ടും
പൊറു  പൊറുത്തിങ്ങനെ അയവിറക്കുന്നു
കെട്ടിന്‍ മുട്ടില്‍ തിരിയുമാ നാല്‍ക്കാലിയെന്നോണം 
പുടവ കൊടുക്കല്‍ പുറന്നാല്‍ പുരവെപ്പു  
പുലകുളിയടിയന്തിരവും വിടാതെ 
വരുതിയില്‍ നില്‍ക്കാത്ത ദേഹത്തെ 
വടികുത്തിയടുത്തിടുവാന്‍ പരക്കം പായുന്നു 
നാക്കിന്‍ രുചിയെ വാഴ്ത്താന്‍ മറക്കാതെയല്‍പ്പം 
പല്ലില്ലാ മോണ കാട്ടി പരദൂഷ്യവും വിളമ്പി-
പ്പോരുവാന്‍ മറക്കാതെയും  പിന്നെ 
തിരികെ വന്നു ചാരുകസേരയില്‍ 
ചായുമ്പോഴെ ചാരിദാര്‍ത്ഥ്യമടയുകയുള്ളൂ 
രാമ രാമായെന്നുള്ള നാമമാത്രയും 
പരമാചാര്യന്റെ സ്തുതികളും 
മനസ്സിലോക്കെത്തണമേയെന്നുള്ള 
വിചാരമെപ്പോഴണയുമെന്ന്   
ചിന്തിച്ചു കണ്ണട മാറ്റാതെ 
ഞെട്ടിയുറങ്ങിയുണരുന്നു 
ദിനങ്ങളത്രയും ദീനങ്ങളുടെ പട്ടിക 
ഗമയിലങ്ങനെ നീട്ടി കണക്കുകള്‍ 
പറഞ്ഞു ഒപ്പിച്ചു അറുപതും കടന്നങ്ങ്     

2 comments:

ഞാന്‍ പുണ്യവാളന്‍ said...

കൊള്ളാം , ചിത്രം അതിമനോഹരം സന്ദര്‍ഭോചിതം ആശംസകള്‍

അനീഷ്‌ പുതുവലില്‍ said...

അറുപതിലും ആശകള്‍ അന്ത്യം വരാതെ നീളുന്നു ആറടിയില്‍ ഒതുങ്ങും വരെ