Saturday, November 19, 2011

അറിയുമോ എന്നെ

 അറിയുമോ എന്നെ 


ഏറെ തല്ലി  പരത്തി 
വെയിലുകാഞ്ഞും കാറു നിറഞ്ഞ  
മാനത്തെ  ഭയന്നും 
ആണ്  കിടപ്പ് തഴപ്പായില്‍ 
പിന്നെ കെട്ടുകളിലാക്കി കുട്ടകളില്‍ 
സഞ്ചരിക്കുമായിരുന്നു എന്നെയും
കൊണ്ട്   വീട് വീടാന്തരവും 
കടകളിലോക്കെയായി
എന്നാലിന്നു  പരിഷ്കൃതമായി ഉടുപ്പണിഞ്ഞു   
 സ്ഥാനം പിടിച്ചു പലയിടത്തും 
പ്രത്യക്ഷപ്പെടും നേരം   വര്‍ണ്ണ വര്‍ഗ്ഗ 
ജാതി മത രാജ്യ സീമകളില്ലാതെ 
പിറന്നാള്‍ കല്യാണ അടിയന്തിരങ്ങളിലെല്ലാം 
വലിപ്പ ചെറുപ്പങ്ങളില്ലാതെ 
മാനത്തെ അമ്പിളിയെന്നോണം 
സുന്ദരനായി അല്‍പ്പം അഹങ്കാരത്തോടെ
പന്തിയില്‍ ഗമകാട്ടി ഇരിക്കുന്ന നേരത്ത്  
കൈകരുത്താല്‍ ഞെരിച്ചമര്‍ത്തി  സ്വാദ്    
നുകരുന്ന നിങ്ങളുണ്ടോ അറിയുന്നു എന്റെ വേദന . 

6 comments:

keraladasanunni said...

ഇലയുടെ ഓരത്ത് ഒരു പൂര്‍ണ്ണ ചന്ദ്രന്‍.

അനീഷ്‌ പുതുവലില്‍ said...

പപ്പട വീര വിളങ്ങുന്നു ചന്ദ്രനെ പോലെ നിന്‍ മുഖം

സീത* said...

പാവം പപ്പടം :(

Akbar said...

ഇപ്പൊ പുതിയ കുപ്പായത്തില്‍. എങ്കിലും ഒടുക്കം എണ്ണയില്‍ തന്നെ. :)

ഷാജു അത്താണിക്കല്‍ said...

ആരറിയാൻ

ജോസെലെറ്റ്‌ എം ജോസഫ്‌ said...

പപ്പടക്കാരന്റെ ആ കൂടയിലെ മണം കൊതിയോടെ ആസ്വദിച്ചും, പച്ചപ്പപ്പടം വാങ്ങിത്തിന്നും, പൊരിച്ചത് ആവോളം കറുമുറ കടിച്ചു അമ്മയുടെ തല്ലുകൊള്ലാതെ ഓടിയതും ഒക്കെ ഓര്‍മ്മിച്ചു, ഈ കുറിപ്പുകള്‍ വായിച്ചപ്പോള്‍.

നന്ദി, അര്‍.ജെ.കെ.